НИЕ...

Ајде да работиме !

2011-11-30T19:50:00.000+01:00

КОНКУРС ; магазин НИЕ... има потреба од 3 репортери, соработници, со и без искуство за работа на емисијата. Пријави исклучиво на маил proekt.nie@gmail.com
со CV и мотивационо писмо и без тел. јавувања!

Д.

Раздружувањето од СФРЈ или МАКЕДОНИЈА на почетокот на крајот !

2011-09-23T21:46:00.000+02:00

Убиство, протести и пропаганда , кој добива а кој губи ?

2011-06-29T11:28:00.001+02:00

Сакам да останам доследен до моето мото веке 10 години познато мото... да зборуваме со факти ! Ке го позајмам насловот од еден наш весник од една стара новинарка кој вели - “Пропагандно гестапо ја тресе Mакедонија”. Добар наслов кој дефиниитвно одговара за се! Им прилега на сите а ако е така тогаш ние сериозно имаме проблем со вистината !?
Скопксите улици потсетуваат на историките студентски протести од 1968. Поминав во петокот, од блиску да почуствувам за да ја скокнам проагандата бидејки се нема точна , од друга , сега диелмата зошто се на улица. .
Во 1968 та студентите за нивните барања се користеше мотото “Бидете реални - барајте го невозможното” , позајмено од манифестот на надреализмот на Бретон. Прашањето е дали и денеска сега се бара невозможното повтроно толкувајки го секој на свој начин
За сега имаме мирни протести, урбани, не навиввачки и дилемата каде е дефектот.?
Дали дефектот на оваа општество се изјавите на политичките маргиналци кои случајно во оваа време поитаа политички да профитираат?
-дали дефектото не е во тоа што оној тетовираниот како стока удирал, сигурен сум дека кога го удирал Мартин не мислел да го убие ама знам дека сакал да се покаже пред партијците кои ги обезбедувал дека заслужува да биде обезбедување на партиксиот и државен врв !?
...и најнакрај дефектот на специалецот Спасов е минорен иако е убиство за тоа има казна суд, ама е страшен Дефект до колку некој се обиде да не измами дека еден човечки живот нема никаква вредност,и да се каже дека секогаш имало полициска бруталност !??
Страшно е ако и дел од полицијата, е багра криминалци во униформа за која насилството е закон а законот се применува за Мартин и нас останатите.
И суштината што треба да се докаже , дали некој во полицијата сакаше да го скрие или само некои мангупи во униформа,
Треба да се знае дали навистина и некои вмровци на своја рака, не партискиот врв или тие го убедувале семејството да не дава изјави
-- Кој го организра гестапо да спинува и (дез)информира?
Е тоа се одговорите кои недостасуваат а не дека силеџијата е затворен !
Тој пак ке речам сигурно не убил сакајки, со намера, ама убиство на демократијата е ако сите останати сакаат да ја убијат вистината со чиста совест и намера. Е дури тогаш по овие одговри ке знаеме дали виситнски ни се потребни протести и пред чии порти!

Магазин НИЕ... 12.06 2011.

Убиство , протести и пропаганда ! Има ли ли Македонија лидери и кој добива а кој губи?

2011-06-13T12:47:00.000+02:00

Избори се ближат, дали ДИК ке се надгласува за регуларноста ?

2011-05-30T13:00:00.000+02:00

Пред Исус и пред Алах со иста молитва .... ма животот не се само политика и избори !

2011-05-23T11:49:00.000+02:00

н.е. Филип Рикер ....јас верувам во граганите на МАкедонија !

2011-05-16T12:44:00.002+02:00

Aмериканскиот амбасадор н.е Филип Рикер.... јас верувам во граѓаните на Македонија !

2011-05-13T22:33:00.000+02:00

….Изборите се добра прилика за отворање разговор на граѓаните во Македонија со нивната влада и институциите и ова е клучен дел од политичкиот дијалог за кој постојано зборуваме, но како што сум кажал многупати досега изботите не ја сочинуваат демократијата, тие се почеток и еден дел од демократијата. Немам причина да се сомневам дека македонските граѓани имаат недостаток на компетентност во однос на граѓаните на било која демократија за да имаат слободни и фер избори без насислтво. Мислам дека личните напади и закани се оттргнување од тој основен дијалог и го нарушуваат тонот на вистинскиот политички дијалог…

..Тема за дипломатите e да испраќаат извештаи , no навистина se зависи од македонските граѓани дали ќе го искористат гласот, се надеваме дека ќе ја искористат можноста да практицираат демократија на изборите на 5-ти јуни и да бараат одговорност од нивниоте лидери…

…Се надевам дека сите страни ќе превземат одговороност и ќе ги сватат сериозно и ќе учествуваат во изборите гледајќи кон иднината за да мислењето на секој граѓанин биде слушнато , а секој лидер биде соочен со одговорноста пред оној кого го претставува….

Македонците ќе одлучат да одат понатаму кон целите кои си ги поставиле.!

Американскиот амбасадор н.е Филип Рикер гостин во магазин НИЕ.. им верувам на граѓаните на МАКЕДОНИЈА !

2011-05-12T20:44:00.000+02:00

...Мислам дека тоа е прашање за граѓаните на Македонија, владата на Македонија и тоа е интересно прашање за кое многумина дискутираат, но би рекол дека граѓаните на Македонија неможат да се окарактеризираат како поналку способни за практицирање демократија од граѓаните на било која друга земја. Имам одредена верба во граѓаните на оваа земја. Верувам дека тие можат да ги донесат одлуките да ги истражуваат можностите и да ги поставуваат прашањата и да им кажат на своиуте лидери што сакаат и очекуваат од нив. Да не заборавиме тајната на успешната демократија е кога лидерите работат за своите граѓани, а не за партијата !

Медиуми и МЕГАФОНИ, ..кој прв почна ?

2011-05-09T16:28:00.000+02:00

1 МАЈ - СИНДИКАТ или СКАРА ?

2011-05-03T12:55:00.000+02:00

За ВЕР(Б)АТА , за монашкиот (не) мир , за милостивиот и праведливиот ИСУС ! сестра Макрина

2011-04-25T16:24:00.000+02:00

Зошто агресија ? Што беше образование а што воспитание ?

2011-04-19T12:24:00.000+02:00

Цензура на Балканот- а што може новинарскиот СИНДИКАТ ?

2011-04-11T12:34:00.000+02:00

A што се тоа ФЕР ИЗБОРИ !?.... а можеме ли?

2011-04-06T13:39:00.002+02:00

Јапонија- радијацијата се шири ! АПОКАЛИПСА 2011... а колку ли сме подготвени ?

2011-03-27T17:38:00.000+02:00

Канцерогените заболувања атакуваат врз Македонија ! Знаеме ли како ?

2011-03-21T15:10:00.000+01:00

Целосно интервју со претседателот на СДСМ, Бранко Црвенковски

2011-03-14T17:52:00.001+01:00

Бранко Црвенковски: ќе се вратиме во парламент да го излгасаме договореното со Груевски... САМО ТАКА ИЗБОРИ 2011!

2011-03-13T16:19:00.003+01:00

Пратениците не треба да се мразат, тие треба да се почитуваат,ама првин мегу себе !

2011-03-07T16:10:00.002+01:00

Зошто верски фанатизам, кога може верски ТУРИЗАМ !!!

2011-03-01T14:54:00.001+01:00

КАЛЕ, Интерент, партии, FB!!! А кој е крив???

2011-02-22T13:42:00.001+01:00

Али Ахмети “Јас ја сакам оваа држава “

2011-02-16T13:37:00.000+01:00

Новинарски погледи: Пратениците- партиски војници или избранци на народот?

2011-02-08T23:55:00.001+01:00

За македонската (АНТИ) ДИПЛОМАТИЈА!?

2011-02-01T11:41:00.001+01:00

За тутунарските работи

2011-01-28T14:19:00.001+01:00

Вевчанскиот карневал- пркос, политика или само традиција?

2011-01-17T12:07:00.002+01:00

Македонската лустрација со само еден кодош! Кој е следниот?

2011-01-14T22:23:00.004+01:00

Политика и криминал- кој е следниот?

2010-12-28T17:23:00.002+01:00

Косово помеѓу демократијата и криминалот

2010-12-21T13:59:00.002+01:00

Правична застапеност- праведност или политика?

2010-12-13T23:42:00.000+01:00

Кој УПАДНА, кој ПРОПДНА, кој ЛАЖЕ?

2010-12-05T19:25:00.001+01:00

кој упадна во А1 ?

2010-12-02T22:27:00.000+01:00

кој упадна, а кој пропадна, кој лаже ?
емисјата за упадот во А1 сепак ке ја има .
Техничките проблеми се елиминирани ; ) !!!

НИЕ упад во А1

2010-11-28T16:59:00.004+01:00

Поради технички причини, на одделот за продукција и играна програма, денеска ТВ Сител го откажа емитувањето на закажаната емисија “УПАД ВО А1“. Одговорно лице за продукциска и играна програма на ТВ Сител, З. Додевски!

Ма какво ЗНМ?

2010-11-21T21:54:00.000+01:00

Криминал + закон = законски криминал

2010-11-20T22:15:00.009+01:00

Власта, јавната администрација, политичките фронтмени, невладини, општинари и разни јавни отпушоци, рикнаа- ова е Ден на дрвото! Засади ја својата иднина! И сите министри се растрчаа по околните ридови, се зацапаа во кал до колена, се сликаа и си заминаа задоволни дека имаат иднина. Само преседателот Иванов на Денот на дрво го пратија во Лисабон. А добар дел отидоа на истите места каде што беа и лани. Чудно!? Некако од едно до друго сликање и садење, не им растат, не им се фаќа иднината- каде е утката, до расадот ли е!

Јован Вранишковски, несудениот српски Архиепископ, и со мантија и со томос, ама го препознале дека е криминалец. Бугарите го уапсија. Нашите требаше веднаш да го бараат, ама чекавме и Србите да се активираат. И сега ќе си ги мериме, и ќе треба и пред Бугарите да се покажеме или да ги молиме, па потоа Србите, и нај на крај, најверојатно, ќе се случи грчка работа, ќе не зашамараат онака добрососедски. Закон е закон, ама интересите и србски и грчки и бугарски се вечни.

Лисабон денеска. Не, не мислев на кафеаната во Лисиче каде што Благица Павловска скокаше по маси, каде што се беше запотено, турбо село весело, пијачи, пејачки и дојч марки меѓу цицки. Мислам на финиот Лисабон и на самитот на НАТО од вчера. Џоле Иванов, пак, носи куп новинари со себе, а нема што да се јави оттаму. Што ќе кажат не не примаат ама не поддржуваат да праќаме војници, вратата е отворена, ама столче не ни даваат. Кој е крив? Се прашува ли некој каде грешиме или така сакаме. Кој прв почна м м е.

Интернационален ден на студентите во светот, па и во Македонија. Во Атина државата организираше над 7000 полицајци за да спречат немири и ги затворија студентите во градот, блокираа улици од страв да не се случи насилие и студентски отпор и протест. Во наша Македонија, им ги укинаа кредитите, професорите им продаваат едни исти книги укоричени и поделени во неколку изданија, им наплаќаат се и сешто, а студентските домови имаат само по еден среден павиљон, другото е мизерија, и си молчат. Во Атина 7000 полицајци, во Скопје ниту 7 студенти. А тоа организацијата којашто им наплаќа само членарина и би требало да ги организира им се обрати со соопштение- ЧЕСТИТ ДЕН! Ете во тоа е разликата.

Уште една победа за Македнија, во графата на регистарот за Македонија во ОН сега стои за јазикот македонски. Нема празно место, нема ФИРОМ, туку стои чисто македонски. Е сега, дали е чекор напред или од готово вересија, или скок во место, се изборивме за тоа што отсекогаш сме го имале видете- проценете-големи сте. Ама убаво звучи уште една победа!

Во Парламентот македонски, пратениците конечно се фатија за суштинска работа. На тема попис и како и кога ќе се попишуваме, пратениците од власта и опозицијата фатија клучна полемика. Едниот вели -Овде нешто смрди, има силна реа, да се проветриме малку не ќе е лошо, а другите одоговараат -Не знам што ви мириса, како тоа мириса, секој нека си толкува како сака, тоа е демократија. И веројатно, и тоа е, ама премногу задушливо станува.

Продолжи доставата на кодошките досиеја до лустратотите. Сега за Ибар- Вихор или лидерот на ДУИ. Веќе никој не се потресува. Кодошите можат да здивнат, сега тоа веќе не е страшно. Од цела држава само еден случај судски спроведен и тоа за уставен судија. Па доста е! Може да се каже дека успешно е завршена лустрацијата во Македонија.

Некои медиуми го обвинија Мобимак дека незаконски наплаќал за услугата говорна пошта од секој корисик и притоа заработил речиси милион евра. Државата го констатирала тоа и го казнила со тоа што му ги земале парите и ќе ги стават во државниот буџет. И сега не знам што мене како корисник ми менува информацијата дека ме краделе- па тоа го знаеме сите, прашањето е дали ќе ми ги вратат украдените пари- или пак ќе останат украдени, само сега од државата.

Каков ли ЕУ извештај?

2010-11-15T23:58:00.002+01:00

Криви и кривични

2010-11-15T00:07:00.001+01:00

Неделава Управниот суд го осуди екс претседателот на Уставниот суд, Трендафил Ивановски. И тие тврдат дека бил сорабтник. Ламбе го крстија. Сега судијата има право да ја повтори постапката пред Врховниот суд, а не како што некои велат „нека ја обори на Уставниот“- тоа е. Некогаш сите ние сме од онаа, некогаш од оваа страна, некогаш судиме, некогаш не судат, овојпат, иако само на еден човек, судството му пресуди на судијата- е затоа се потребни стандарди и непристраснот.

ИНИЦИЈАТИВА ЗА КРИВИЧНА ЗА ЕКС ПРЕТСЕДАТЕЛОТ Бранко Црвенковски. Ќе го јаде, најверојатно некој од Кабинетот и од службите, Бранко никад не е крив, ама по Бучковски ова е втор случај, макар закана со апсење, за висок функционер. И што е уште поинтересно Антикорупциска ја понуди, Обвинителството ја прифати, а експертите се скрија никој не сака да го брани Црвенковски... Од толку многу правници, кривичари, толкав Правен факултет, за којшто велеа дека најмногу има комуњари- никој жив да пушти глас. Кривична пријава за Црвенковски е голема работа, уште поголема што тоа е за претседателот на државата, и најголема што неговите се скрија. Не го оставајте сам!

Оваа недела се потресовме дека турбо фолкот ќе ни биде и добро утро, и ден, и ноќ преку српската Пинк телевизија којшто ја купила Алфа телевизија. Се слушна дека Србите ја купиле, па се пишманиле. Не знам како, но ако се согласиме дека медиумите или тв се стап за тепање, манипулација, дезинформации и информации, тогаш државата треба да размислува кому законски му го дава степот за тепање народ. Или не секогаш се може да се купи со пари, нешто се купува и со многу пари, а таму не се битни државните интереси.

За достоинството. Стојанчо Ангелов стана познат кога во 2001 година како командат на тигрите беше изрешетан во битката кај Арачиново од тогашните борци на ОНА. По низа операции и 80 насто инвалидитет, преживеа и како воен инвалид го вработија во МВР, како некаков долг спрема бранителите и храбрите патриоти. Потоа го направи здружението Достоинство, почна да пркоси за членството, да поставува барања и да организира протести пред Владата. Деновиве се жали дека неговите колеги од организиран кримал му ја одзеле здравствената документација да го проверат дали навистина е болен. Дали навистина се проблем боледувањата на Ангелов за МВР или е проблем што тој пркоси со воениот инвалидите, ама ако треба да се компарира за досиеата со Белград за инвалидитетот можат да ги прашаат коалиционите партнери од ДУИ, па тие знаат во кого пукале кај Арачиново.

Извештајот од Брисел ја дигна на нозе Македонија. А нема зошто да се дразниме, тоа е само за кондиција- менувањето на името е најважно. Кога, тогаш- е тогаш ќе бидат и преговорите со ЕУ.

Црвен тепих, или по нашки килим, за студентите, пензионерите и сите граѓани пред Владата за влез во Владата. Портпаролот вели ова е вистински начин да покажеме дека Владата е отворена за своите граѓани, па, ја видоа салата за седници, Кабинетот на премиерот, а некои и му седнале на столчето. Не е страшно само еден ден во годината е, а еден како ниеден.

Митинзи, бунтови, протести- потврда за моќ или немоќ на партиите?

2010-11-09T14:10:00.000+01:00

Има ли надеж?

2010-11-08T11:54:00.000+01:00

Неделава Македонија остана без државниот врв, гракнаа медиумите. Без паника, не е поради бомбите во Aтина, таму се се тресе, нашите мува не ги лази, не се ни во апсаана, само на шетање. Се жалат дека сите во исто време фатиле в туѓина и премиеорт и претседателот и спикерот. Ама нема штета, зошто се бунат, еве ќе се вратат, па што?

Сите го чекаат извештајот од Брисел. Европарадерите во државава пред секој извештај драмат, се закануваат колку ќе бил негативен, а оние од сепот како сопнати нешто се бранат, не, ќе бил позитивен. Не ја разбирам приказнава, на кого му е битен извештајот од Брисел. Па, тие не не пуштаат во ЕУ, ни велат сменето го името, ние велиме тоа е светски преседан и тие потоа ни велат дека не е само тоа, оти имаме фалинки и за други работи. ЕУ ја поддржува Грција, играта ја прифаќа и НАТО, секоја изјава од Брисел е сменето го името, а ние се дразниме, каков ќе биде извештајот! А што велите, ако го смениме името ќе добиме ли позитивен?

Надеж и Бранко Црвенковски, НЕ ми се врзува никако. А парите си легнале- една страна за 3000 евра, а такви глупости може кој било од новинарите овде да ви напише, дури и за 30 евра цела студија. И уште побетер типот вели: ...“и повеќе да имаше сите ќе ги потрошев“. Па, го знаеме тоа БЦ, затоа си таму кај што си. Но, ако сакаш да поможиш земи си пензијата и остај ги луѓето да го дигнат СДСМ. На секоја демократија, власт и треба опозиција, ти не си тоа, а Груевски вака со тебе вечно ќе владее... нема надеж!

Фудбал, кошарка, ги укинаа преносите по ТВ и се вративме на вандализмот. Ние сме најдобри кога гледаме и кога се празниме пред телевизорот. Евентуално, во берберница или пред продавница. Дајте им преноси, глеј те серии со жените, или пак, дајте ги сите тепачи да играат во Скопје, ем ќе заштедат за скршените прозорци и автомобили по другите градови, ем градскиот стадион ќе го оправда името Арена. Барем и онака фудбал и победа на него не видовме, нека се дотепаат и Балисти и шверцери и комити и војводи.

Ујдисан до Ставрета, Калеников вели: “Да Ви ја раскажам Снежана и седумте џуџиња“, а поранешниот Бранков пајташ Зоре како демек попаметен како Ванѓа го сече и вика не нејќеш ти, он само инженер е, мислиш е Англичанец, па така се зборува со полуписмен македонски. А темата е лихварските камати на банките и спрегите. Или стеги со НБМ. Гошев го затепа- секој има право на своја глупост. Сега приказната не било така. Тогаш, нека ја раскажуваат приказната пишман аџија, а тоа за лихварските камати не знам кој е крив, ама такви се.

Кодошките досиеја се на пауза. Се расипал принетерот во Белград и рипнала цената за купување досиеја. Во меѓувреме само Трендафил го судат, нема кој на човекот да му прати пусулче од МВР. Пратениците и ДУИ се изборија, Владата обзнани, помина на централен, досиејата се фалсификат. Епа Тренадифиле, не си бил просрпски и не си работел за КОС, и не си бил за Југославија, ти си бил Македонист! Млади години, ама кој ти е крив!

Пушат сите дефинитивно. По кафеани, по канцеларии, во институции, во болници, во Парламент, во Влада, пушат во медиуми. Веројатно, се ближат избори?!

Митинзи, востанија, протести... Потврда за моќ или за немоќ?

2010-11-06T00:29:00.000+01:00

Кои се кодошите? (II дел)

2010-10-31T18:42:00.004+01:00

Александар Диневски, поранешен припадник на СДБ говори за одоговрноста на овие служби и за уличната лустрацијата

Мирко и Славко

2010-10-29T13:47:00.002+02:00

Најава за НИЕ... во недела 31.10.2010 во 13,30 часот на Сител.

Настани на неделата...

2010-10-28T15:47:00.000+02:00

Нимиц нема моќ да го реши името, знае се Џемс Пердју, не го сакам ама го поштувам човекот пошто е отворен. Тоа е тој фраер што е заслужен за нашите фрустрации од конфликтот во 2001 и најмногу за пресудната битка за и од Арачиново. Тој ја менаџираше војната од тероризам до борци за права, беше во Македонија, сега е на Косово, и тука се шутка постојано по Балканов.

Знае Пердју, знам дека не засака како народ, еснаф луѓе, трпеливи, со Турците 5 века, со Грците ќе се сторат 20 години и затоа човекот ни кажа- Нимиц е немоќен, Вашингтон да помогне, а може и ЕУ. Ако го кажува тоа Пердју, нема да е на арно. Да се разбудиме!

Не доаѓајте во Белгија. Џабе ве лажат агенциите на бајрамовци и други. Азил нема. Единствено што ќе најдете кај нас, ниту се пари, ниту станови, ниту работа и сабота, ќе добиете само фрустрација, а тоа значи шут карта. Кратко, јасно и глупо, дојде по вторпат човек од Белгија- државен секретар, кога не можат нашите, тогаш тој лично да им каже на македонските азиланти од Шутка и од Липковско. Е затоа тие се држава!

Евроамбасадорот Фуере, го растури нашето судство, не чини ова, небива она, море каква академија за судови, море какво независно судство, а наш Маневски си седи до него и мува не го лази. Веднаш по него распали, благодарам, и си тера, супер е вели, направивме она, пресековме ленти, се реформираме и ќе продолжиме така. Тоа ти е сликата за Македонија и Брисел -дијалог на глуви. А да не му беше исклучен преводот на Маневски или да не му беше скината жичката во слушалката?

Македонската лустрација да запре. Ако сака некој со државата да не пукне резил, да запре. Ако по овие први досиеја сите се кодоши, значи и неа ја смислил и почнал кодош. Абе не џабе народ рекол, а народ никогаш не греши и од мака кажува - удба ни е судба.

Оглас: Се бара лице, со ефективна и орална комуникација, да има одлични интерперсонални насочувачки вештини, да поседуваат мотивации за успех и волја за развивање на сопствените потенцијали, такви требаат 172-ца. Не, не е ова оглас за јавна куќа, проституцијата не е легализирана во Македонија иако на западот, на нашиот тетовски, цути како во пролеќе. Ова е оглас за државна работа.

Никола Бадев е Македонец, ама и Бугарин. Таман работа и до таму ли дојдовме, па тогаш Пабло Пикасо е Италијанец, Бетовен е од Австрија, вака навидум би изгледал нивниот национален идентитет доколу Димитар Бечев ги напише во некој историски речник и токму заради љубов кон Германија и Шпанија... значи без биографија, а биле познати во целиот свет. Но, ако тоа БЕЧЕВ, го направел за овие лица веднаш би бил правно санкциониран. Во новиот македонско историски речник којшто осамна завчера Никола Бадев и Васка Илиева се познати пејачи од Македонија и од Бугарија. Никој ништо не направи. Ниту новинарите таму прашуваа, ниту по тоа нешто истражуваа. Човекот ден потоа раскажа друга прикаска. Кој ја утна, па кој друг новинарите и репортерите бестрамници, а и внукот на Бадев ни рече не пренесувајте глупости.

Нашите двокатни автобуси кај да е ќе стигнат. Првиот спрат за стоење, вториот само за седење и среќа што нема трет, тој сигурно ќе беше за лежење. Јас сум за тој спрат. Замисли си, се оптегнеш од градот интернет ти пуштаат. Лап топот до глава и за 30 ден се возиш, уште ако е петок владата и без пари те вози, пошто сите се пензионери. Убавини. Само не знам дали може сега да го нарачаат тоа третиот спрат, а велат сега не биле најсреќни и министерот Миле и нашите. Главната утка им е што кинезите се бајаги пониски по раст. Е не кажаа кој од нашите ја земал мерката. Требале Мартин да го пратат, детето е таман по мерка ама...

Никаде во внатрешноста нема аптека која работи ноќе, во Скопје само неколку на 700 000 луѓе. Таква ти е македонската приватизација. Ги дадовме аптеките, а државата ги зема парите. Џабе маршираа со денови градски аптеки. Всусност, се е во парите. Аптеките нели ноќе се за итни случаи човек да ја реши болката, ама аптекарите ич не ги боли за тоа. Па, да пари легално се прават дење, а не ноќе.

Франција фрчи од протести, Грците ја запалија Атина и Солун, Белград го демолираа со педерските работи, а во Македонија синдикалците си аплаудираат заедно со власта. Едниот вели ние многу направивме, синдилакците аплауз, другиот вели, ние не сме владин синдикат, ама ни антивладин. Ни риба ни девојка . Тоа ти е, овие на вестиве лажат дека народот во светот протестирал.

Како се станува кодош!

2010-10-27T13:13:00.004+02:00

Нова епизода од Ние... на Сител...

Прв дел за кодошите во Македонија. Гостин Нафи Чеграни, поранешен припадник на СДБ, осуден на смрт, казна што потоа е преиначена во затворска казна во Зеница па во КПД Идризово.

Започна новата сезона на НИЕ...

2010-10-25T15:22:00.005+02:00

Во недела, 24.10.2010 во 13,30 на Сител ТВ, првото издание од новата сезоа на НИЕ... Гледајте не!

Бучковски Димовски во НИЕ...

2010-06-29T21:40:00.001+02:00

Археологијата денес

2010-06-26T03:14:00.001+02:00

Илми Селами, претседател на ДКСК во НИЕ...

2010-06-21T00:41:00.000+02:00

Од каде сме и до каде сме?

2010-06-09T23:42:00.003+02:00

Стечајците и оваа недела го блокираа Скопје. Полицијата си дремеше од страна и си гледаше, сеир не регулираше. Направија хаос во сообраќајот. Возачите и граѓаните кои не штрајкуваат нервозно им се спротиставија на стечајците, упатувајќи ги да го блокираат Груевски, да влезат во Парламентот, а не да го блокираат народот, кој ги поддржува и има среќа да работи за плата. Во таа нервоза некој извадил и нож, сакал да се пресмета со штрајкувачите. Е тогаш дојде полицијата и ги собра. Значи само кога ќе дојде нож до коска ќе се реагира. Во меѓувреме, владата на Груевски повторно се задолжи, тие не можат без пари... ним пари им требаат!!!

Се навршуваат 8 години како партијата ДУИ се трансформира во војска на ОНА. Не, не, ОНА во ДУИ, војници во политичари. Сега велат имало повторно слободни територии, ама и немало, имало терористи и бункери со оружје, ама и немало, и се така... Имаме Парламент за контрола на владата, ама и немаме, колаиција со исти интереси за владеење, ама и немало, имаме и држава, меѓунардно призната, и сакаме во НАТО и ЕУ... Ама не, немаме!

Конечно во Македонија ќе се чистат каналите на пролет, а не во зима. По 20 години се сетија дека за подземните води и поплавите треба да се реагира на време. Механизацијата е на терен, само да има за нафта и да не застанат- добар потег на локалната и централната власт.

Парламентот носи закони, ама за кого и какви?!? Парламентот стана чудна инститиуција! Еве, законот и малите етнички заедници, Албанците како големи демократи, нели, загарантираните пратенички места ги сфаќаат само како загарантиран бадентер, само за Албанците и толку... за други не им е гајле. ВМРО ДПМНЕ и СДСМ гледаат пак само преку својот популизам и функционалност. Малите се мали и не можат да направат ништо, а се тоа всушност ја дава сликата на нашиот системски или политички капацитет, или партиски примитивизам. А позната е старата- не го прави тоа што не сакаш тебе да ти го прават, или- луѓе, не профитери, го прават демократскиот амбиент.

Во Словенија почина наш работник затоа што немал пари да плати за преглед. Му недостасувале 20 евра, до стоте за преглед. Сега Словенечката медиумска и политичка јавност има јака тема за дебата. Јас сега сфатив што значело суров капитализам, тоа, што ми го раскажуваше одамна пензионираната професорка по марксизам.

На Брисел му се брза за ЕУ и НАТО. Ако некој мислеше... ние бараме влез, а не тие... ако некој ги измеша лончињата. Талер или малер, кој е Фуле, а кој муле не знам, но добро е што секнаа парите за античка Македонија, пардон за новите археолошки ископувања. Белким тоа ќе ја олесни во иднина нашата позиција, освен ако не не затепаат со фонтаната и со мечот на Александар на сред плоштад.

Македонскиот народ не е ниту варијација на Српскиот, ниту пројугословенски народ, уште помалку експозитура на Владата во Софија. Не крадеме туѓа историја, а македонското прашање не е идеолошка коминтерновска конструкција. Најмалку народот, граѓаните, гласаат за ВМРО ДПМНЕ како за Бугарска партија. Натаму, ниту Македонците ќе станат Словени заради Глигоров, ниту Бугари заради Георгиевски. А тој, Љубчо Георгиевски зад решетки, и не заради Бугарскиот врховизам, туку заради велепредавството во 2001! Се ова го пишува сега, кандидатот за претседател на ВМРО ДПМНЕ Тодор Петров. А, нели заедно бевте и претседател ви беше? Сега ли дознавте за бугараштвото, или што, на што мислите за велепредавството во 2001?

Ма, Боб Дилан пееше во Скопје. Дојде, испеа, замина, ни здраво не ни кажа. Сега го чекаме Били Ајдол со свирка на отоворено. Како, така, барем вака да се почувствуваме дека сме дел од Европа.

За македонското новинарство

2010-06-09T12:26:00.001+02:00

На тема професионално новинарство во Македонија, за магазин НИЕ... говорат Славица Арсова и Васко Попетревски

Интервју со министерот за образование, Никола Тодоров

2010-05-31T21:36:00.000+02:00

Ние ја немаме силата!

2010-05-31T21:13:00.005+02:00

Бранко ќе ми збори за економија, замислете Бранко економија!??... еј Бранко... па, економија - ха ха ха ха (сите се смееат), а потоа еруптивно се слуша апалуз! Не, не е тетеарски текст, нема драма, ниту пак некој во сон блада- тоа го рече премиерот Груевски и се фати за глава.

Корумпирани, неписмени, подмитливи, професори со фалсификувани дипломи, докторати, 10 - ки за евра и Студентски сојуз во сојуз со партии и влади - е тоа е сила, тоа е моќ! - а образованието е култура на живеење, бре луѓе.

Семејствто Кулески ќе ги суделе за неодговорност затоа што им се запали детето. Тоа е она семејството од прлилепска Штавица кое живее во беда, само од својот труд, без никаква помош од државата. А кој да ја суди државата за негрижа кон својот народ за цели генерации кои немаат ни ден стаж, без пензии, за транзицијата, за искрадени фабрики за коишто издвојуваа од свои плати?! Државата го има системот, медиумите, а тие денес секогаш ќе ти покажат на народот - на Кулески.

Грабежите не се повеќе како на филм, него станаа реалност. Премиеирот тврди дека МВР е успешна. Овие криминалците бркаат и пукаат со калаши по автопат. А народот си глеа ли глеа филмови за љубов, за 1001 ноќ, за убавини. Се плашам ако ова е под контрола, како ли ќе изгледа кога нема да биде оваа јавната безбедност успешна?

Зоран Талер е легенда. Иако се римува Талер со МАЛЕР, ние сепак не сме имале толкав пријател кој се обидува да ги амортизира нашиот страв и тврдоглавост. Ама ќе се согласам и јас на се, ако се тоа го потпишат задно на исто место со Бан Ки Мун, Клинтон, Ештон, Саркози, Меркел, Филе, и ако на нив ги придодадеме нашите балканци Бугари, Албанци, Срби и секако Грци. Тогаш можеме да бидемне спокојни дека Европа не е дволична за идентитеот. Името и онака е веќе договорено!

Сите работат за новиот кул(т) Груевски. Неговите главни конкуренти сами се попрскаа со пепел, Љубе Бошковски го натиснаа со Харадинај и албанските лобисити за негово ослободување, Филип го издаде као земале пари, Љубчо се дотепа сам со признаието дека е македоснки Блгарин, а останатите вмровци биле уствари шешељовци, Срби со говорна мана. Керим, пак, му направи анкета дека народот се дели и името не го дава, ДУИ тргнаа да прават криза, па, Рикер им рече сега не е моментот, а тој си сврика и бира термин за покана за НАТО. Бранко може само да пати, му се наместија патките сеа само ги пука!

„Евровизија 2010“: се покажа уште еднаш колку ние Македонците сме малограѓани и тоа самоуништувачки настроени. Никој никого не поддржува, сите знаат што не чини, а никој не знае да направи. Перверзијата е што се само се критикува! Се сеќавате ли и Тоше колку целата таа булумента го плукаше, не сакаа дури ни песна да му напишат, а потоа сите се сликаа како плачат и како го сакаат. А кој да те почитува кога сам не се почитуваш? Тоа мора да го научат, да го знаат петпарачките критичари. Тоа е патротизам, ниво, се останато е фрустрација. Дечкото профи си отпеа, без замерка, ама ние ја немаме силата.

Плати нема во образование, во судство, поротници на бунт, стечајци дремат пред влада, а велат нема криза. Груевски оваа недела го збрчи новиот багер во Суводол. Се разбира, сите се сликаа. Вели тоа е во функција на енергетска стабилност, а од друга страна ЕВН бричи, си праќа сметка до сметка, за пола, за утре, за завчера, никој не зае кој пие, само се знае кој плаќа. А народот, велат, бил задоволен и пак ќе гласал. Така велат анкетите.

Противпожарното возило не можеше да влезе да гасне пожар во ГТЦ заради погрешно паркирани коли на влезот. Ме интретесира каде беше пајак - службата? Веројатно одговорот ќе биде никој од нив не побарал асистенција, како полициајците што велат кога криминалците ќе избегаат по редовните грабежи. А кога ќе застанете на 15 минути да купите цигари колата веќе ви ја однеле. Се прашувам тоа институциите државни, работат за или против граѓаните?

Со почит, за Гане Тодоровски, за фуснота без повод. Замина поетот. Остана неодоговорено прашањето… Ој Макдонија, колку ли уште ни треба за да те домакедончиме?!

Магазин НИЕ... 23.05.2010

2010-05-28T16:15:00.000+02:00

За татковината се работи

2010-05-22T22:10:00.002+02:00

Хаг: на Јохан Тарчуловски му е потврдена казната 12 години. Таму се летнаа пола влада, пратеници, министри, новинари и луѓе за врескање. Со цел памет отидоа за поддршка и притисок врз Хашкиот Трибунал. Па, Хаг бре луѓе не е апелација во Скопје, па како кога СДСМ се собра да прави притисок за судењето на Бучковски. Штета кога ВМРОвци заличуваат на комуњари, ми вели еден сосед. Штета... А правдата и правото, е тоа никогаш не одело заедно. Тоа е познато. Сега само останува дилемата кој е победник и поразен, кој е терорист, агресор, а кој бранител во македонско- албанската 2001?!

Пападополу, убавата Гркинка, тукашна амбасадорка, се потепа да каже дека Грција е безбедна, ама не скала да пукаат бомби !? И, вели, дека тие биле демократи со демократска традиција на протести, да не се плашиме. Е ако палењето коли, убиени луѓе, демолирања и полициски пресметки, ако се тоа е демократија, тогаш работава со името навистина ни е како слон во стакларска работилница. Само кој е слонот, а кој стакларот?

Сали Бериша, Албанскиот, што претседател, што премиер, ја откажа посетата на Македонија. Вели пребукирана му била агендата и не знае ни кога другпат ќе дојде. Бериша, како албански лидер, секогаш од Тирана сакал директно да се меша во внатрешните работи на Македонија. И не мора да дојде....не фали!

Во пратеничката група на ВМРО почнаа да се дистанцираат големите и малите. Дали предизборно, или поради нешто друго, но Трајанов и Поповска се дистанцирале од пратеничката група на Бонева, а пак Вељановски на следниот самит на НАТО во Литванија го избришал од список пратеникот Павле Трајанов, а ги пратил само СДСМ и ДУИ... Чудно! Почна ли тоа пребројувањето, дисциплинските мерки, или навистина изборите ќе ни се случат летово???

Знаењето е сила, знаењето е моќ! Толку компјутери се купија, толку учебници, а резултатот е 18 500 ученици ќе си полагаат матура, натаму, слаби оценки на учениците и уште послаби на наставниците. Каде грешиме? Да не е проблемот што најмногу пари сепак во образованието се фрлија во спортските сали и игралишта? А тоа, меѓу нас кажано, не е моќ ,туку улица!

Полицијата клоцаше, тепаше, луѓе во струмичко- протестанти кои не даваа да им се урне објект. Го клоцаа, го тркалаа работникот... Молк... Страшно!

Новинарството отиде во неповрат. Сите сакаат да се скријат зад новинарската книшка, дали на ЗНМ, или на кој било друг. Се напикаа газди, удавачи, измамници, провинцијалци, криминалци, профитери, рекетари, исфрустрирани, недокажани персони, фуфли со длабоко деколте, кратки сукњички и краток памет... се отворија куп високи школи за новинарство, а нивото се пониско и пониско... Се е денеска новинарство, а информации нема. Да ги прочистиме редовите!!! Во име на новинарството се разбира.

Банкрот грчка! Грција била во сериозна криза, биле за никаде, а цела Европа им фрла милијарди евра за да им го покрие минусот. А ние... ние замислете сме биле фини, некако во континуитет, така предизборно сме запнале дека не сме во криза, дека пари си имаме и дека ниту светската, ниту грчката криза, не не допираат. А да се сети некој да признае дека сме баш во криза, па и дека грчката влијае на нашите фирми, па да побараме и ние некоја милијарда?! Едно признание и еве две милијарди! Па едната нека оди за реклами на проекти, барем другата да ја вложиме во народот. Ма, за татковината се работи!

Македонско претседателство 2010

2010-05-18T17:54:00.000+02:00

Интервју со министерот за здравство, Бујар Османи

2010-05-11T22:32:00.001+02:00

За македонските работи

2010-05-07T22:10:00.001+02:00

Македонско претседавање или претседателствување е конечно и дефинитивно. Не ми е јасно зошто, на ниту една победа, не умееме вистински да и се израдуваме. Сите кои бараат сомнеж нека погледнат на сајтот на Советот на Европа, и таму пишува така. Македоноско... конечно, првпат, не само ФИРОМ.

На плоштадот Македонија гордо стојат Даме и Гоце, на своите коњи. Стари комити. Ги донесоа тајно, скришем, скришем, во глуво доба, ноќе. Не ги удостоија како Скендербег со цвеќиња и аплаузи!? за да им се радуваме на војводите. Ниту пак официјално со аплауз ги открија, ниту цвеќе за денот на Гоцета. Не ми е јасно, се враќа ли пак комитлакот? Се нешто ноќе се работи. Пред некој ден осамна и “Баталете споменици, дајте лекови!“. Што народ сме?

Меѓурелигиски и меѓу цивилизациска средба во Охрид. Од секаде пристигнаа врни научници, експерти, митрополити, архиепископи, гласници на папата, преку 500 учесници. Нема само претсавник од Грчката црква, а Српската прати десетти ешалон. Па да, ова е цивилизациска средба, без стереотипи!

Бугаринот Младенов, Николај, не нашиот Никола од Фокус, ама исто е, шегобијно ни се претстави со намерата за добрососедство. Пријатели сме, ама треба да потпишеме документ, вели. Нова страница, ама малцинство Македонско по старо, нема!!! Да славиме празници заедно, ама нема да влегува кој кога сака во Бугарија. То Николај, то!!! Ајде искрено, ќе ми објасни ли некој што е балканско добрососедство?

Бранко распали по Грујо, ама пред тоа, тој распали по него. Сите сакаат се да наликува на војна. Брат Љубе, со брат Харадинај, па со Тачи... па све сама свита, па тајни средби... само прикаски. Пак режираа прикаска, во Танушевци имало црни униформи, ама не се гледаат, снајпери, ама не пукаат... пак халуцинации! Абе, може да има војна, ама нема пари и за тоа, се е изарчено. Тука е проблемот, на празно никој не пука.

Амди Бајрам фатен дека е измамник. Е па не ќе да е првпат, тој беше во затвор. Само не знам како влезе коалиционер во влада?!? Го зезна син му, исцинка. Така ти е, неписмен е, осмоодделенец, а го ставија градоначалиник. Еј, а тој велеше дека новинарите се криминалци. Сега, да видиме антикорупциска дали планирано, или непланирано се истрча, и да видиме кога ќе му го конфискуваат имотот.

Боб Дилан ќе чука на вратата, не на рајот, туку на Метроплис Арена. Дилан во Скопје! Конечно добра вест, без додавки, чиста. Човекот доаѓа на 4 јуни!

„Нова зора“ на македонски јазик! Тоа е вест, дефинитивно, исто како што и нашите Македонци таму не го познаваат македскиот јазик. И затоа, повќе страници ќе излегуваат на грчки одколку на македонски. Важно не има, какви такви, тоа ти се македонските работи!

За работничките права

2010-05-05T17:34:00.000+02:00

Премиерот Никола Груевски во интервју за НИЕ...

2010-04-26T18:29:00.001+02:00

Груевски за името... во НИЕ...

2010-04-24T19:40:00.006+02:00

"До колку биде ставен предлогот СЕВЕРНА РЕПУБЛИКА МАКЕДОНИЈА, ЗА СЕВКУПНА УПОТРЕБА, и официјално тој предлог биде доставен од преговарачот Нимиц, ЈАС ТОЈ ПРЕДЛОГ ќе го ставам пред граѓаните на референдумско изјаснување. А, доколку ве интересира мојот личен став, јас ќе гласам против"- изјави премиерот Никола Груевски за утрешното издание на магазинот НИЕ... со Драган Антоновски.

Повеќе одговори и ставови на премиерот Груевски за приватизацијата, декриминализацијата, судството, економијата во магазин НИЕ... во недела во 16,00 часот, на програмата на ТВ Сител.

НИЕ... на 18.04.2010 со Павле Трајанов и Бранко Азески

2010-04-20T21:39:00.002+02:00

Гости во магазин НИЕ... Ашмет Елезовски и Реџеп Али Чупи [11.04.2010]

2010-04-15T23:59:00.001+02:00

Бугарски нужник!

2010-04-12T16:00:00.002+02:00

Лидерската средба беше и помина. Само на крајот се трткаа 15 минути кој последен да излезе пред медиумите да резимира по сите и да испадне најпаметен. За суштината и нема ништо ново- никој ништо од никого не прифаќа. Ќе прават работна група за да решавале. Толку ли глупи предлози даваат лидерите или глупост е самата средба кога овие работи може да си ги одработи и парламентот.

Работнички права и Македонија. Што беше тоа? На газдите повеќе им се исплати да фркнат пари во партиските каси, а да не плаќаат придонеси, да плаќаат за кампањи, а работниците да им работат и празник и делник за исти пари. А вечниот лидер Муратовски вели дека неговата смена би била антидемократска. А бе чии права застапува човеков? Од осамостојување до сега нема лидер кој не шурува со власта и политиката и само за 1ви Мај се акаат по улици, демек интернационала. Во Македонија треба да се укинат синдикатите и онака ништо не значат!

Архиепископот македонски г.г. Стефан е многу активен последниот месец. Од седиште во седиште, де во СДСМ, де кај ВМРО ДПМНЕ, де за Велигден се подместува да му го кршат сите јајцето... Деновиве, брзо, брзо со колегите од ИВЗ и католичка, ама скришно, на Матка. Во чија мисија е поглаварот, да не станал и тој Нимиц, за името или за себе си лобира?

Бранко ќе се бори со криминалот во приватизацијата. Е, што му текна?! А, Грујо не дава, кого пак тој брани? На крајот, знам, граѓаните што ги дадоа фабриките- тие се виновни!

Врв на македонската парламентарна демократија е последната одлука на власта, парламентот да не може и законски да проверува како владата ги троши државните пари. Владата сама ќе си трошела и ќе си проверувала, а парламентот ако проверувал ќе бил судија!? Овде изгледа некој многу гледа Ѓумуш и Шехерезад, па свртеа на турско... онака султански, или беговски, сам се тужи, сам се суди... или кадија те тужи, кадија те суди, а рајата само треба да ги плаќа глобите и арачот.

Саатот на Тодоровски не бил вреден, бил копија и тој ќе им го подари на СОС селото, на децата. Па тие не се луди господин директор, ако е фалсификат, што ќе им е да гледаат на саат, колку време немале јадење ли?! Децата се попаметни понекогаш. А искрено, трговијата со саати не ми е јасна?!? Не било вредно тоа, било поклон. И, се разбира, со нож проверува што е хероин, а што кокаин. А кога одел во Турција, за истиот саат, или за други саати бил, ништо не ми е јасно. Во што е поентата, кој е сега фалсификатор, кој е полицаец, кој цариник кој шверцер, или клиент? Важно, типот од антикорупциска, новиот, веднаш сака да го копира премиерот, вели не слушнал тој ништо за саатот на директорот за јавна безбедност.

Иницијатива за обединување на "освестените Бугари" во Македонија, од страна на европратеници Бугари, кои од Филе барат во извештајот да влезе дека Македонија е дискриминаторски настроена кон тие со бугарските пасоши. Тие биле тероризирани од државата Македонија, само заради тоа што се чувствувале Бугари. И кога пишувавме дека пасошите нема да значат само возење бугарски коли, транзит низ други држави, туку и продавање на идентитетот и државата, овие продадените, или освестените, велеа: А бе нема врска, на нотар јас сум Македонец, ова само за по надвор- нужник систем. Баш така и испадна - нужник ама Бугарски!

Американците не заобиколуваат! Заменикот државен секретар Стајнберг беше во клучните зони на Балканот, во Босна, Србија и Косово. Дигнаа раце од нас, или нема што ново да ни кажат? Па, и онака никој нема голем ќар, тие си зборат, ние си тераме по свое.

Репортажа на магазин НИЕ... од Израел 04.04.2010

2010-04-07T16:45:00.001+02:00

Влада за граѓани или граѓани за влада???

2010-04-06T13:42:00.004+02:00

Христос воскресе, воистина воскресе! А, воскреснаа и цените на зеленчукот, на зелените пазари, јагнешкото, во месарниците. Ако се вистински Христијани, и ако го слават бога, тоа не би го направиле. Затоа е она „народ жив ѓавол“. Не, не се верници тие што лажат и крадат, а ова што за овие два дена цените беа 50% поскапи беше навистина кражба.

Бедно е кога новинарите мораат да пушат. Не знаев дека градот се чисти за Груевски и за државниот врв. Сакајќи да му се вовлече до крај на премиерот и државниот врв (сите од иста партија) еден репортер во извештај вели вака: Лошо е што верниците кршеле и фрлале јајца по улицата пред црквата, ама среќа што градската служба (од истата партија) исчистила, за да може како никогаш до сега, вели, сплотени, целиот државен врв да дојде во црква на велигденски прием. Ми фалеше уште да каже дека г.г. Стефан пееше за нив. Не му текна, инаку ќе кажеше дека Велигден е токму измислен за Груевски. И сега не е крив човекот, туку тие за кои, и за Велигден, само тој е нивен бог. Бооооолно новинарство, тоа ти е!

Корејската Trivju ќе прави телевизори во Бунарџик! Така рекоа, ама господ знае кога. Талентите, за кои на крај ќе испадне дека се преваранти како со млекото, од Македонија прокнижија 30 мил евра, и тоа за акцијата за компјутер за секој ученик. Тие требаше во Македонија да вложат 10 милиони евра, а ние им фукнавме 30 милиони. И сега премиерот да промисли (нели важи за магистер економист) кој е овде ќар, а кој лузер???

Ахмети и Груевски имаа состанок. ВМРОвците сакаа да го претстават како редовна средба, заради ништо, а ДУИ го дефинираа како конкретна и условувачка, впрочем како и сите досега. А бргу ќе се види кој од двајцата коалиционери се лажел, и зошто ли била средбата. На крај, сите типуваат дека ДУИ ќе излезе од влада. А бе седи, бегај... кој напушта власт за избори?!? Со стап да ги бркаш не идат, само ако мораат... Како ќе каже големиот брат, нели?!

ЕУ и г. Рикер не изреагираа за грчките војниците. Може јас не сум чул, ама штама од САД и ЕУ. А најголемата дрскост од Грција е што Друцас вели: немојте да сте го злоупотребиле овој изолиран инцидент!?! Тие се палат на споменик, на автопати, на име на аеродром, и тоа било страшно... Српскиот парламент делумно се огради од маскарот во Сребреница и тоа не морало да се сфаќа исто така трагично. Па само ние ли сме на тапет и со европски принципи??? Или се покажува дека и ЕУ не е за се за респект и верување.

Мендух Тачи побара повторно Македонија да биде федерална. Вели, како до сега, таа не може да остане унитарна. Ех, ако зависеше се тоа од секој албански лидер кој е во опозиција, веројатно и ќе беше така. Ова е само потсетник за сите... или како Албанци лузери резонираат, тргнати од државни пари. И тоа не е најстрашното! Најстрашното е што на нашиот државен врв им требаат кожни гаќи, за да кажат дека не смее така. Претседателот веројатно вапца јајца, а премиерот веројатно ќе каже дека не чул за ова. Тој си работи, нема време да слуша кој што збори. Море, што сака нека збори!?

Секоја втора недела испаѓа локомотива, вагон се преврте, сообраќајка, загина дете... Сега после снегот се е дупка до дупка, а Миле, министер, вели се било безбедно! Оној другиот, дечиштето на кое прва работа му е министер, исто вели, казнувајте кој не иде у школо и тоа најстрого. Да се чудиш, храбри децава!?! Не е безбедно Миле... Наплаќате патарини, а по патишта трчаат кучиња, пругите се дотрајани. И не е министер да се биде само за тендери и закони, за да се цедат пари од граѓаните со казни; туку идејата е владата во служба на граѓаните, а не граѓани во служба на владата- за тоа сте платени!

И покрај реакциите од европарламентарците да не се усвојува законот за антидискриминација бидејќи е дискриминаторски, ништо. Хомосексуалците остануваат вон законот, како и секогаш де, или да ги сместиме во графата болест? Тоа ти е педерска работа.

ХЕ хе хе , боците за пожар не важат повеќе. Тоа не е гаф на владата, тоа е глупост. Ако си донел глуп закон, глупо држи се до него и не попуштај, или некој повикај на одговорност. Вака што? Дали на некој му сврши бизнисот и толку, или се правеше закон за еднократна употреба?!? Еве имам од 2 кг боца... јас сум будала или кој? Некој мора да одговара за ова, или следниот пат не треба да ги почитуваме законите!

Атентати врз сетилата. Едните го отвораат Трајковски, другите Глигоров. Едните бараат српско- вмровска линија во бомбата кај Бристол, другите бараат саботажа на авионот, Кингерот. Колку евтино си играат нашите политичари! Битно е да се најде кој е крив и кој ја пренасочува јавноста од актуелните атентати врз џебот на секој граѓанин, преку небулозни закони, измислени давачки, даноци, такси, казни, и немање работа за и младо и старо работоспособно население. Навистина, а кој е всушност атентаторот?

Шок до шок

2010-03-27T16:22:00.001+01:00

Волците го извадија телото на загинатиот работник во тунелот во колекторот на рудникот Бучим. Катастрофа беше што на некои, наместо да се сети на армијата и нашите специјални единици кои ги фали НАТО, а се истакнуваат и во Ирак и во Авганистан, прво што им текна беше да бараат помош од Србија. Тоа дефинитивно е доказ за комплекс и ментална матрица на многу квази Македонци. До кога западот на државните институции ќе им биде север, и тоа преку Лесковац и Врање?

Од Брисел ништо ново! Средбата траела 20- тина минути, што ќе рече била од нога, и воопшто не разговарале. Средбата нашите медиуми ја претставија како решавачка, а грчките воопшто и не ја регистрираа. Средбата беше сепак на маргините на еден европски самит, а така беше и најавена. Тоа што ние си направивме филмови дека ете е битна, изгледа дека ја утнавме. Папандреу не го слушал Груевски. Ова очигледно не е негов проблем, тој си бркал работа за неговиот проблем за кризата. Наравоучение: секој треба да си го гледа и решава својот проблем. Очигледно е!

Нов грабеж! Овој пат ја начнаа и Комерцијална. МВР е немоќна, избори дефинитивни се ближат. Од нивната работа најсилни моменти се пресекувањето канали на дрогата, се разбира со помош на странските служби. Алармантна е количината во депото на МВР: 300 кг хероин или 10 милиони евра, чисти пари. Се сеќавате дека еднаш од тоа исто депо исчезна хероин и случајот МВР не си го расчисти?

Опозицијата му се пушти на Васко Наумовски, дека бил и на правен и во Влада. Имало конфликт на интереси. Јас знам многу професори од тој факултет кои си беа и ваму и таму, што влада, што парламент. Не знаев дека тоа било грев, освен ако не му замеруваат на младиот Наумовски дека има погрешна партиска т.е ВМРОвска книшка.

Премиерот за пола од прашањата, што пратенички што граѓански, кои не му одговараат вели дека не слушнал или дека не е информиран !? Чудна работа за Грујо, така сака, или навистина не му кажуваат? А тој, има ли допир со светов обичен или гледа само негови емисии, чита само негови весници и слуша само полтрони околу себе? Е таа не е сликата за Македонија, дефинитивно! А да не праша, ќе му кажеме, и тоа не значи дека сме му непријатели, и не сме патриоти!

Ќе се тепаат партиските војници на СДСМ и на ВМРО. Или, поновите стечајци и транзицистите и на СДСМ и на ВМРО. Сите го чекаат тој ден, натаму врви работата, само не знаеме точно каде. Ќе има искршени раскрвавени глави, жени ќе корнат коси, солзи и мрсули... Странците ќе рикнат дека е нецивилизирано тоа, демек племе, лидерите Бранко и Грујо потоа, дотерани, пицнати од говорници ќе им кажат дека не треба така во демократијата. И тепаниот тепан, ебаниот ебан... А тие фини демократи!

Ставревски објави дека завршила рецесијата и сме излегле од криза. Што му требаше, сега ќе треба да вработува? Ама не оние предизборните плукачи за шефови по општини, за шофери и шефови на чистачки, туку ќе треба да вработува писмени луѓе, со високо образование, а за такви работа нема.

Шок од владиното здравство!!! Не се здрави работите, сите се во кома- првин ги најавуваа како топ решенија, а сега ги повлекуваат како генератори на криза?!? Не здрава е работава, а види доаѓа од владиното државно здравство.

Браво за солидарноста на соселаните на семејството на кое му исчезна детето. Тие сите, долж реката, со трактори ги креваа паднатите врби и му помагаа на унесреќеното семејство во маката. Одамна заборавивме дека сме луѓе и дека кога сме заедно сме најсилни, особено кога си помагаме без интерес и парада. Само тогаш сме вистински луѓе.

НИЕ... во с. Штавица за да го истражи случајот со семејството Кулески

2010-03-22T21:57:00.001+01:00

Пролетно будење!

2010-03-20T23:20:00.005+01:00

Пак се пукаа. Некои рекоа дека тоа било почеток на пресметка меѓу мафијата. Други велат дека убиецот бил во АРМ, гардата на претседателот, а полицијата дека им бил познат криминалец. Еден друг гардист опљачкал банка. Статистиката пак вели дека стануваме лидери на Балканот, по убиства, на ниво на Белфаст, Амстердам, Прага. Се слушаме ли сите што се знаеме и што се правиме? А, МВР се бави со ПП апарати и тоа од 2 кг и прети со казни!?!

“Кај си бе педер“ е секој втор збор во дневната комуникација меѓу другари, комшии, некогаш во погрден смисол, некогаш како потврда за пријателство, некогаш за блискост. И сега одеднаш, болест било да си геј, да не речам педер. Оправдувањето е, мора да е тврд законот. Сите парадираат, десница, левица, а во превод тоа значи власта може сите, а луѓево меѓу себе никако .Ова е Балкан г-дин Фуере, па ти види, пријателски ли се или дискриминаторски?

Децата не учат, сакале надвор оти им било досадно во школото. Ништо ново. А слушале фолк и тоа турбо. Е тоа е ново- се поселанчуваат. Владата им купува компјутери, а тие се дразнат на српска певаљка која се проституирала на сцена. А за таа примитивка пак која ја убил некој морон и се самоубил, македонските медиуми отвораа дневници, а српските сервиси дадоа само вест во црна хроника. И сега, зошто децата не учат? Не знам дали талентите кои протежираат ваков примитивизам се чувствуваат одговорни? Експертите пак уште подилетантски велат, транзициски деца, родители... и сега сигурно, ми личи ваквата експертиза, пак ќе испадне- Бранко е крив.

Митинг за пасоши. Се јави еден гледач и вели: дојдете брзо во МТВ има штрајк, или повеќе е митинг, побрзајте почна тепачка, ко стока не третираат... Испадна не било тепачка ,само народот чека ред, како порано виза пред Грчка амбасада, сега за новите безвизни пасоши. Гунгула! Не ми е јасно само зошто народот е таков. Ете сега нема грип, не плашете се ако некој кива и не е бањат, вие чекате за нов, европски пасош.

Груевски ТВ дуел не прифаќа! Зошто тој да се правдал пред Бранко, кога секој ден објаснуваат телевизиите и митинзите. Тоа е работа за овие Американциве, Енглезиве, Французиве... а и низ цела Европа се глупираат со дуели. Како тоа Бранко ќе оди по села, кога груевиситите го замислуваат како кабинетски, со виски и со кокаин. Што бара тој во штали? А да му направиме еден сенароден митинг против опозицијата, па да види кој е кој и колку се против него, а колку за? А???

Охридскиот градоначалник Петрески се врати, ама киднал на некој ден во Париз првиот човек на дирекцијата за кризи Панде Лазарески. Ај сеа беља! А има проблем со езерото, има поплави или нема? Нејасно е!

И една убава работа: 21 март е, почна пролетта. Ајде садници во раце, барем природата да ја поздравиме. Градот Скопје дели 6000 садници за скопски фирми, месни заедници и куќни совети. Добар пролетен потег!

Амбасадорот на САД, Филип Рикер во магазин НИЕ... 14.03.2010

2010-03-16T01:02:00.001+01:00

Интервју со Амбасадорот на САД во Македонија, Филип Рикер [текст]

2010-03-14T18:19:00.023+01:00

НИЕ...: Моето прашање е како ви е овде во Македонија? Секаде сте присутни, постојано во акција, постојано состаноци. Впрочем и за оваа интервју чекаме подолго време.

Рикер: Како што рековме – подобро некогаш, отколку никогаш и јас сум многу задоволен што, конечно,можеме да седнеме и да го направиме ова интервју. Да, јас сум многу зафатен, сакам да бидам зафатен, да работам многу. Јас знам дека не е тајна дека уживам многу што сум овде во Македонија, посетувајќи и среќавајќи се со многу луѓе во мојава работа. И не зборувам само за САД и за нашата политика и за нашата поддршка и за нашите проекти во Македонија, туку исто така и ги слушам граѓаните на Македонија, се среќавам со официјалните лица, со дипломатите и со новинарите исто така.

НИЕ...: Важите за одличен познавач на состојбите во регионот и затоа прво она што е последно- средбата во Вашингтон. Не знам дали имате доволно детали, но јавноста сака да добие информација не само од грчките медиуми туку и од вас: Обама – Папандреу и Македонија?

Рикер: Прво и најважно, јас мислам дека е важно не секогаш да се дава значење на медиумските шпекулации. Јас со текот на годините научив дека честопати постојат т.н. стории од неименуван извор кои излегува дека не се точни. Јас немам многу информации за последните средби на Претседателот со Премиерот на Грција, но слушнав дека тоа биле важни средби. Главна точка на Премиерот беше економската ситуација во Грција која има силен ефект и врз светската економија, на Европа, но и на Македонија исто така. Очигледно, се дискутирало и за Балканот, вклучувајќи го и прашањето на името на Македонија, затоа што нашата позиција, позицијата на Претседателот останува дека Македонија и Грција треба да најдат решение за ова прашање, така што исто како и на средбата на Премиерот, со Државниот секретар Клинтон се разговараше за ова. Мислам дека и Претседателот јасно ја кажа нашата позиција.

НИЕ...: Медиумите од грчка страна шпекулираат за поддршка за Грција и име Северна Македонија и јазик северно македонски, и дека претседателот Обама тоа го поддржал?

Рикер: Уште еднаш, медиумските шпекулации не се нешто што треба да се зема во предвид. Претседателот Обама, јас сум цврсто уверен, останува на ставот дека Грција и Македонија треба да најдат решение за ова прашање, за да двете земји и сите ние можеме да продолжиме напред. Нашата цел за Македонија е целосната интеграција во Евроатлантската заедница.

НИЕ...: Државниот секретар Клинтон посочи дека Грција е лидер на Балканот и треба да води во процесите за интегрирање на регионот во ЕУ и НАТО. Има ли тука пристрасност, или само различно толкување? Словенија, на пример, прави многу повеќе за регионот.

Рикер: Јас мислам дека е очигледно дека Грција е лидер во регионот. Грција е голема земја, со 10 милиони луѓе, со голема економија. Навистина, овде во Македонија, Грција е главен инвеститор и игра многу важна улога во вашиот бизнис- сектор и во вашата економија, исто како и во размената меѓу луѓето. Имате многу блиски работи со вашиот сосед, така што јас мислам дека е вистина она што го кажа Секретарот Клинтон, дека Грција треба да игра главна улога во регионот. Грција самата нагласи дека целта е целосна интеграција на земјите од Западниот Балкан во ЕУ до 2014-та година и Секретарот Клинтон ја охрабри Грција да води во таа насока.

НИЕ...: Никој не може да те натера да го прифатиш она што не можеш да го прифатиш. Но, мислам дека е важно да се помисли за она што прави разлика во твојот живот, во животот на децата и внуците. Кога доаѓа до ова прашање - јазик, идентитет, мора да имате доверба во тоа што сте и што ќе бидете. Да ви цитирам нешто што го има кажано Елеонор Рузвелт, една од најголемите жени на 20 век. Таа рече: „Никој не може да те понижи без твое одобрение“. Треба да размислите за тоа - порачува Рикер. На што да помислам и како да ја врамам Рузвелт на балканско тло, со соседи Грци, Албанци, Срби, Косовари и Бугари?

Рикер: Видете, различните перцепции на историјата се многу вообичаени меѓу соседните земји насекаде низ светот, и Балканот не е, навистина, така посебен во овој смисол. Дојде време, јас мислам така, да се фокусираме не на она што другите го кажале за вас, но да се фокусираме на стратегија за она што е најдобро за Македонија и за нејзината иднина. Вие имате многу интересна и комплексна историја. Она што треба да го сторите е да се фокусирате на многу позитивна и проактивна иднина.

НИЕ...: Во вашата последна препорака, ако можам така да ја насловам, велите фокусирајте се на одредницата ФИРОМ... Дали според вас се манипулира целиот пакет и политичките елити направија претстава дека за се се преговара, од име, јазик, идентитет, пред тоа знаме, Устав? Мислите дека е намерна забуната, или моментален политички профит и купување време?

Рикер: Се' што можам да ви понудам е најдобар совет за ова – вашиот идентитет не е предмет на преговори, така што – не преговарајте за тоа. Прашањето е замена на референцата ФИРОМ за меѓународна употреба. Тоа е она што го блокира македонскиот евроатлантски пат и навистина, тоа е патот кон стабилноста или интеграцијата, и тоа е она што треба да се разреши.

НИЕ...: Еве имаме нова ситуација со Бугарија која сака да потпише некаков траен договор за добрососедство, но на крај најверојатно и тоа ќе биде некаков ограничувачки фактор. Можеби утре Албанија може да произведе некаква состојба... Станува ли Македонија тренинг центар за меѓународно право, дали се ова не ја разнишува довербата во меѓународните организации, или ќе кажете дека тоа е можеби уште една причина за побрзо да се дојде до решение со Грција?

Рикер: Знаете, во Букурешт, сите НАТО сојузници, а тоа ја вклучува и Бугарија и сега Албанија, се согласија дека Македонија ги исполни критериумите за членство и тоа беше заедничка, консензуална одлука. Едни од тие критериуми се и добрососедските односи, така што сите земји се согласија дека Македонија ги има тие добри односи и ги исполни критериумите. Тоа што го рекоа беше по решението на прашањето на името со Грција, Македонија ќе ја добие поканата за членство. Така што тоа е единственото прашање кое беше посочено и по решението на тоа прашање, Македонија ќе ја добие својата покана и ќе влезе во НАТО.

НИЕ...: Ако условно Македонија прифати ерга омнес, тоа значи дека и САД, Русија, Кина, Индија и сите 120 останати ќе го сменат “признанието под уставно име“ или секој по своја желба би требало да решава?

Рикер: Знаете, моето искуство е дека хипотетичките ситуации и шпекулации навистина не помагаат. Наместо тоа вие треба да се фокусирате на решавањето на спорот. Точка! Уште еднаш, ова се шпекулативни прашања и шпекулациите не помагаат, ние треба да се фокусираме на ситуацијата и на решавањето на прашањето.

НИЕ... : Дефинитивно патот за ЕУ и НАТО е врзан за името. Што ако до јуни владата на Груевски не најде храброст, бидејќи опозицијата неколку пати посочува дека се согласува со се што ќе прифати Груевски? Можен ли е систем на излез од оваа статус кво ситуација со формирање на некаков заеднички договор од типот на потпишувањето на охридскиот рамковен?

Рикер: Знаете, Драган, мислам дека никој не сака статус-кво ситуација. Повеќе од 90% од граѓаните се за Македонија, нејзино членство во ЕУ и НАТО, лидерите на оваа земја треба да го почитуваат тоа и да се фокусираат на исполнувањето на тие цели.

НИЕ...: Мислите ли дека е демократски што за овој битен сегмент се избегнува Парламентот? Колку тоа е редовна практика, еве во Америка, да се избегнува дебата со народните избраници, па колку тоа и да е во македонски услови гласачка машина? Ве прашувам за ова бидејќи имавте една изјава или порака во една ситуација, со буџетот мислам, цитирам: “Рикер ги охрабри парламентарците да ја употребат својата моќ во контролата на буџетот и во распределбата на ресурсите. „Вие имате моќ, имате и средства. Владата може да предложи буџет, но вие сте тие кои имаат последен збор за распределба на ресурсите“, рече Рикер. Колку во тој контекст ќе важи истото и за името?

Рикер: Знаете, ова е многу добро прашање и тоа е прашање за македонските граѓани и македонските институции кои треба ова да го одговорат. Така што, јас ова ќе им го оставам на нив. Мислам, повторно, дека ова е прашање за македонските членови на Парламентот и за гласачите кои ги избрале. Секоја демократија треба да си ги реши сопствените процедури. Навистина, ние како САД секогаш сме инсистирале на посилен Парламент, како што имаме и силна и одделна законска рамка и ние дадовме голем број средства, преку нашите системски програми во текот на многуте години. Ние, секако, многу силно го поддржуваме политичкиот дијалог, независно дали е преку Лидерски средби или во Парламентот, најверојатно тоа зависи од ситуацијата. Она што не не' радува, а и мене лично, е кога меѓусебни навреди се делат во медиумите и стануваат главен начин на политичкиот дијалог. Така што мислам дека различните начини за позитивна, вистинска дискусија во политиката, во планирањето и распоредувањето на ресурсите, е многу добра работа. Не е лоша работа да имате повеќе начини на комуникација и на носење одлуки, ако ги носите тие одлуки транспарентно за граѓаните и гласачите. Така што јас не би се двоумел да кажам дека еден тип на дијалог е подобар од другиот, јас мислам дека демократијата мора да определи што најдобро функционира за тој случај и за сопствените граѓани.

НИЕ...: Колку вон парламентарните т.н лидерски средби, го симнаа нивото на Парламентот и создадоа една слика дека за битни прашања треба да се разговара со лидерите, а не со пратениците изгласани од грганите? Уставните измени, судскиот совет и целиот пакет Уставен суд, притисоците околу неговите одлуки... Колку се тоа е пренасочување на дебатата во друг правец, или бегање од една тема на друга далеку поопасна, а криење зад некакво барање од меѓународната заедница во име на демократизација на судството?

Рикер: Уште еднаш, јас би преферирал да го видам резултатот од сите тие дискусии и од Лидерската средба која се одвива денеска, додека го правиме ова интервју. Но мислам дека фактот што дискусијата се одвива, дека лидерите од различни полички партии и сили во земјата можат да бидат заедно, да седнат и да имаат навистина рационална дискусија и да им презентираат на граѓаните навистина различни ставови, тоа е позитивна работа, тоа е она што демократијата и треба да биде.

НИЕ...: Како, во тој контекст како отсуство на парламентарна дебата и воопшто јавна дебата, го коментирате фингирањето на НВО дебатата, демек дебата од невладин или експертски сектор и еден цел арсенал на новосоздадени институти и здруженија, гласноговорници на партиите? Колку е важно цивилниот сектор да остане граѓански, цивилен?

Рикер: Знаете, граѓанските групи, невладините организации како што вие ги викате и слободниот тек на информации и дебатата се критичниот дел од едно демократско општество. САД активно го поддржаа развојот на граѓанското општество во Македонија, уште од независноста на Македонија. Но, повторно, мислам дека вистинската одговорност за “здравјето” на вашата демократија лежи кај граѓаните на Македонија. Жал ми е да кажам дека по враќањето овде по цели 10 години, јас увидов дека граѓанскиот сектор овде во Македонија е послаб отколку што беше кога јас заминав од овде пред една деценија. Разочарувачки е да се види на пример дека НВО може да понуди некаква конструктивна критика и да при тоа биде обвинета од едната или другата страна дека е пион на една или друга партија. Јас мислам дека македонските граѓани би биле многу подобро услужени до колку има помалку “ВАШИ И НАШИ” и повеќе “СИТЕ НАС”! Апсолутно, граѓанското општество мора да има моќ, да може да биде глас надвор од Владата и ми се допаѓа и вашата поента дека треба да има и одредено ниво на граѓански дијалог. Одредено ниво на цивилност треба да биде дел од овие дискусии, тоа важи не само за граѓанските асоцијации и НВОи, туку исто така и за политичките партии и за Владата и за медиумите. Би било одлично, јас така мислам, а и од она што сум го слушнал патувајќи низ Македонија и зборувајќи со многу различни групи граѓани, и тие би биле многу позадоволни, доколку политичкиот дискурс и тонот на политичкиот дијалог се подигне.

НИЕ...: Кога Македонија ќе заслужи, како и Грција, ослободување од визите за САД, или ова што се случува со азилантите во Белгија е дополнително оптоварување и ограничување за преиспитување на една таква можна одлука?

Рикер: Мислам дека најважна работа за Македонија е да се фокусира на својата интеграција во клучните институции од евроатлантското семејство - тоа се НАТО и ЕУ и дури тогаш да се занимава со другите работи. Јас имам многу искуство и во региони со други земји кои се приклучија на нашата визна програма и прва работа која мораше да ја направат е да се приклучат на НАТО и ЕУ и нивните земји да растат економски, невработеноста опаѓаше и дури тогаш можевме да ги почнеме дискусиите околу посебните критериуми потребни за добивање безвизен режим.

НИЕ...: На крајот, како Македонија да дојде до нивото како она што се случи на вашите претседателски избори, кога сенаторот Џон Меккејн достоинствено го призна поразот и веднаш се обврза дека ќе работи со новоизбраниот претседател Барак Обама за доброто на земјата? Од своја страна пак, претседателот Обама избра да се сретне со сенаторот Меккејн и со другите лидери од Републиканската партија и тој, исто така назначи членови од опозициската Републиканска партија на клучни позиции во неговата администрација за да и' помогне на земјата да се консолидира и да се соочи со огромните предизвици што ги имате. Далеку е Америка но,..... ?

Рикер: Дозволете да кажам, дека прво и основно Америка е далеку од перфектна. Ние ја практикуваме оваа идеја за демократија 234 години и јас посакувам овој политички дијалог во САД за одредени прашања да биде подобар. Јас првпат видов, минатата година, по успешните претседателски избори кои ги одржавте во Македонија, поразениот кандидат на изборите јавно да му честита на победникот, така што тоа беше знак на прогрес во дијалогот. Исто како што знаете сенаторот Меккејн му честиташе на Претседателот Обама и вети дека ќе соработува со него, како со нов претседател на САД. Јас се сретнав со членови на сите политички партии овде во Македонија и со политичари и видов дека дури и приватно, заедно тие можат да имаат цивилизирана комуникација и дури и да се согласат во одредени области. Се прашувам дали Македонија може да размисли, да погледне во иднина за промени кои би можеле да помогнат во овој поглед? Би потенцирал дека подоцна месецов, на 23-ти, Националниот демократски институт кој работи овде во Македонија многу години со наша поддршка, ќе биде домаќин на Академска конференција за прашањето на отворени парламентарни листи. Во отворен систем во кој самите гласачи ќе решат за редот на кој ќе бидат подредени кандидатските листи, тоа им дава моќ на граѓаните, на гласачите, не на политичките партии. Нивната Конференција може да отвори дебата во јавноста – за ова прашање и секако, ова ќе биде до Македонија да реши, но може да биде чекор кој ќе го подобри политичкиот дијалог, кога гласачите директно се одговорни за изборот на нивните претставници во Парламентот.

Знаете, најголемите рејтинзи на одобрување кои што јас сум ги видел за што било, во анкети, од кога сум во Македонија е за НАТО и ЕУ членство, над 90%, ништо, ниту едно прашање, ниту една индивидуа не доаѓа ниту блиску до таа граница.

Чии се (не) владините?

2010-03-09T11:46:00.004+01:00

На тема Чии се (не)владините во магазин НИЕ... на 07.03.2010 говорат:

Владимир Милчин- ФИООМ
Дарко Алексов- Граѓанска асоцијација МОСТ
Ивица Боцевски- поранешен вицепремиер во Влада на Р Македонија
Ненад Марковски- ИДСЦО
Пеце Најдовски- Институт Димитрија Чуповски

Погледнете го разговорот...

И повторно борба за права

2010-03-06T16:34:00.001+01:00

Хулигани каменувале минувачи на сред плоштад! Едно дете е удрено со камена коцка во глава. Шупците на систем удри- бегај, полицијата ги пронајде. И сега треба да се казнат. Не ми е јасно зошто медиумите, заради глупост ли???, напишаа претепано дете. Не ми е јасно зошто опозицијата ја прозива власат за да се огради и да го осуди, зарем секој нормален не би го осудил???, и не знам што премиерот Груевски мајка бара у Чаир да го посетува детето, за да ги потврди или демантира меѓуетничките тензии. Патем и у едно село во радовишко на едно дете му дупнале глава со камен, па нека појде да види и таму. Полесно ќе им е сигурно на сите, затоа што во тоа село амбулантата е затворена со години.

Собранието ќе се реновира, се стеснува просторот, не за дебата туку за места со фотелји за парламентарците. Значи и пратеници, и доктори, и служби, сите на куп ќе се збираат и тоа ги мачи. Иако нема пушење, ама тука има сериозна дебата! А за Скопје 2014 дебата и натаму нема!- продолжува блокадата и на Комитетот на заедниците. Фокусот за сега е каде ќе се паркираат пратеничките, бесплатниот паркинг 100 метри подолу не им одговарал, ќе им се растуреле фризурите. Ете тоа ги мачи нашите пратеници, апропо градбите Скопје 2014. Се думам, тоа ли ќе му го пише Адеми на Баросо?!?

Азилани- резиланти! Летерм дојде да види што чудо е тоа Скај Вим АБ, и кои се другите шофери во овој бизнис? Ама тој сигурно не знае дека затвореници во Македонија, кога ќе излезат на слобода, стануваат критериум! Тој не знае дека тие потоа се фалат дека се блиски пријатели на премиерот и со тоа си тераат бизнис. Можно ли е: Пратеник ја растура визната либерализација? Скај Вим АБ не бил он, брат му бил. А тој бил само коалиционен партнер на власта. И сега, тој бил вреден, го местеле. Господине пратеник, “ме местеле, невин сум“ ...тоа се затворски приказни. Не сте во затвор, во влада сте!

Војската вежба заштита на Охрид- бутај земја, камења... оние од ЕЛЕМ вежбаат колку вода може да приберат, а струја да продадат, Јанакиевски мери колку метри е дозволено, не разликува метри од сантиметри ,градоначалникот вежба градоначалник. УХМР почна и да лаже, некои нови партиски фаци кажуваат прогнози дека немало снег и дотеци... Господ нека ни е на помош, само тоа не вади. Да преврне!

П.С. Стартот на Охридскиот маратон годинава ќе биде од кај чинарот - така се збори?!

Трет смртен случај на родилка: Скопје, Прилеп, Гостивар... Министерот вели не било до него, тоа што било до него го средил со вакцините, и ете свински грип немало. Со смртта на пациентите се судривме со смрдеата на македонското здравство, со гнилоста на зградите ,тоалетите. А како тоа до сега сите гледале и никој не кажувал? Така им е и по дома, или се грижеле само за плата, а тоа е државно? А и ова да не е некоја режија на Бранко Црвенковски?!?.

Трајко Вељановски му се запна на Уставот! Спикерот го поканил претседателот на Уставниот суд да одговара на пратенички прашања..., да му дојде во парламент, да го препрашале. Демек, пратениците кој од кој поголем експерт за уставно право, и демек они знаат, а уставните судии се боранија. Замислете, веројатно прв ќе почне Амди Бајрам, па по него Даут Реџепи- Лека, па другите... и на крај од тоа дробењето во парламент, лидерска и заклучоци. Тоа што “село гори, баба се драпа“ и цел свет збори за името, а ние за уставот е друга тема, важно е сега партиските војници ќе го средуваат Уставот!

Македонските студенти седат без парно. 5 месеци доцнат кредитите и стипендиите, а тие се среќни што од провинција заседнале во метрополата, во Скопје. И ќе си седат, макар и смрзнале, или од контејнер јаделе. Не ти се враќаат тие у провинција. Студенти, тоа е статус, само да се направи и добра проценка која партиска книшка да се земе, и толку е! Тоа е нашата иднина, седи и ќути! Наша академска, интелектуална иднина!

6 грабежи за две недели. Кој ги пљачкосува банките??? МВР или фраерот со ракавиците кој со нож проверува дали и што е кокаин, а што хероин, треба и за ова да даде објаснување? Дали се ова има некаква врска со осигурувањата, или можеби се препорачува некоја агенција за обезбедување да ги чува банките?

8 март - сега мажите ќе им платат на жените, или може и обратно, жените ќе си наплатат- ајде вади деколте... Ајде колеги и колешки, на работа на труд, пуштај Цеца- хоп, хоп,хоп!

Магазин НИЕ... 28.02.2010 со Слободан Угриновски и Владимир Голубовски

2010-03-01T16:40:00.001+01:00

Не ни требаат триумфални порти, оти никој не оди со дигната глава

2010-02-26T23:37:00.000+01:00

6 години од несреќата на претседателот Трајковски и екипажот на Кингерот, 2 години од хеликоптерската несреќа. 9 од тоа, кој знае што беше, војна ли, конфликт ли, терористи ли беа борци за права или за фотељи?! Во оваа држава некои прашања заслужуваат одговор, ама за тоа треба Боки 13 да им ја отпее песната од големиот брат.

Метју Нимиц во Скопје. Дојдов видов, ништо ново не видов! А толку е просто, сакаат географска одредница. Еве јас би играл и вака: Република Македонија (горна), Република Македонија (северна), или Република Македонија- горна или северна! Ете ви одредница, а идентитетот и јазикот остануваат нечепнати. Тоа што е во заграда секогаш е во заграда, нели?!?

Ебати државата во која премиерот мавта со папири дека Уставниот суд лаже. Парламентот го подржува тоа, го коментира, а тие кои смеат и се единствено компетентни да ги коментираат одлуките (експертската јавност, судиите, правниците, универзитетските професори...) се кријат во своите дупки и си молчат.

Проституција!!! Правете деца, мора да се зголеми наталитетот за Македонија и Македонците. И сите аплаудиравме, мажите и жените се фрлија на работа и сега оп, нема пари, ги изработи државата и мажите и жените. Значи уште еднаш се потврди дека сексот од интерес, за пари, е сепак само проституција, и ветувања, па макар и државата да плаќа. Правете деца од љубов!!!

Градоначалникот на Охрид, заради стравот од поплави на Охрид, ќе побарал помош од Бугарската држава?!? Сиромав градоначалник, колку беден и евтин политички потег! Ерван Фуере и се закани на владата дека не може да го политизира цивилниот сектор, дека не смее да сатанизира и да се заканува. Кажа, стана и си замина. Си замина и вицепремиерот Наумовски. И никому ништо. Во владата им подготвуваат закон, владин закон за невладини организации, а тие си молчат!?! Македонија вечна!

Се запали бебе во куќа на социјалци кои живеат од 1000 денари што државата им ги дава како помош и од својот труд (работа на земја, чување стока) за да преживеат. Заради грижа кон своите деца. Немањето егзистенција ги тера децата да ги оставаат до стариот шпорет да се топлат, а тие се обидуваат дур децата спијат да сработат нешто плус. Бебето се запалило во лулашката , мајката се обидела да го спаси. Предоцна, изгоре!!! Државата ги згрижила со 1000 денари месечно и сега ќе им поднесува уште и кривична пријава за негрижа. Тие се виновни ги обвинува државата, ќе ги суди!

Никој се уште не го објавува списокот на фамозната Скопјанка која увезувала кокаин за скопската вип клиентела. Кој шмркал? Молк!!! Ќе го врти ли филмот на животот МВР??? Скопје 2004 се одлага, за 2018 нема тема.

Имало Евросонг. И повторно имало скандали. Јас не гледав. Многу ми е ќејф. Кај нас ниту победите се со радост, ниту поразите со подадена рака. Затоа не ни требаат триумфални порти, никој не оди со дигната глава!

Вицепремиерот Васко Наумовски во магазин НИЕ... 21.02.2010

2010-02-23T14:09:00.001+01:00

Реконструкција = дипломатија. Изслужени министри, добри амбасадори. Дали?

2010-02-20T18:53:00.002+01:00

За умрениот беровчанец кој е крив? Матичниот лекар направил одлична проценка што не го носел во Штип туку директно во Скопје, каде што и треба да се носат најтешките случаи. Скопските лекари рекоа дека згрешил и ќе одговара. Потоа и министерот се истопори и рече дека ќе ги превоспитува локалците лекари, и дека ќе испита што направил матичниот. И сега кој ја утнал: министерот или матичниот, кој да одговара, или, недај боже, да поднесе оставка?

Сите... конгресмени, сенатори, европарламентарци, еврокомесари... крш е у Македонија. Тие бараат горе долу за месец дена став, Американците велат задња шанса, сменете го барем ФИРОМ, а Груевски им вели добро, ќе биде. И потоа, вечерта на митинг во Битола, прецизира: туѓо не скаме, своето не го даваме! Што си арчат патот? Што не е јасно, за понадвор или за по дома? Што е ново?!

Ајде математика, да броиме колку џамии има, а колку цркви? Македнците се собраа околу филмот Скопје 2014, а тие, Албанците, се собраа околу макета на Бурмали џамија. Ако ова не е лудило, кажете ми што е?

Бранко меѓу кравите. И тој се симна меѓу народ. Не го личи меѓу крави и штали, ама Грујо ако може и Бранко ќе мора. Па и го даваат по медиуми, му тргна, ќе се правело влада за национален спас. Наместо ДЕМОС да ги растура, тој почна да го растура ДЕМОС. Ама ветил дека нема да биде премиер! А што тогаш ќе прави, пак ли само ќе се растураме?

Дедо Стефан знаел ли што потпишува?!? Зарем поглавар се бави со бизнис, а не со црковни прашања, зарем тие немаат благајник или човек за финасии, па тој си земал пари да брои? И сега, нели е смешна прикаскава: бараат милостиња да се обнови манастрот Бигорски, или куп цркви кои зјаат, дали без фасади или без фрески и кандила, а тие се бават со милиони евра? Кој да ја каже вистината? Со вербата во духот и парите во џеб, Господ нека ни е на помош.

Пепи “римјанката“ по пошта си нарачувала кокаин, а случајот го фатиле нашите. Конзумент била, тако речи, ВИП клијентела во предградието на Скопје. Тие повеќе се облекувале кај Пепи, во Шутка никако, и сеа тука е се замрсено. Кој ли кого мести во прикаскава? Да не е некој исто ВИП сељак, кој рекол ќе те кажам ако не ми дадеш Версаче за свадба попуст, или е успех на нашата јавна безбедност? Не можам да тврдам, само се прашувам. Но, список си е список, да видиме како ќе го употребат. Кога е Македонскиот ВИП во прашање, се е можно.

Мочковци во парламентот, а богами и незнам која сестра пушела на хирургија, и тоа треба да се најде, кога парламентарец тврди дека и тогаш и сеа пак пушела. Една те иста е, или повеќе се наредиле? Да не мисли дека има и доктори што пушат, да не нѐ се сестри? Кој кому овде пуши со законов, господин Бучковски да каже, а и кој моча во базен, Ѓорчев да напише изјава! Тоа е моето пратеничко прашање за идниот четврток!!!

Е тој фраерот од Фокс пцуел и викал да го упуцаат у глава тој талибанецот што го фатија пред некој ден, и нашиве, се исплашиле ради нашава демократија, и одма трите реклами што требале да идат ги симнале. Значи, типот пцуел, викал, убивал, а ние до сега таму сме се рекламирале?!? Сега е јасно зошто инвестициите не доаѓале, на погрешно место идела рекламата “Инвест ин Македонија“.

Реконструкција и амбасадори. Ќе ни се случи ли повторно тие што Груевски ќе реши да ги смени, ако не ги бива за министри, да ги бива за амбасадори? Па нели некој треба да не промовира надвор, да е успешен? Нели е глупост ако амбасадорот од Атина не направил ништо да го ставиш сега амбасадор во Бугарија, на пример, или еден пензиониран правдољубец да го ставиш во Европска Словенија? А и куп неписмени, затоа што не занаат јазик, да ги шуткаш по Југославија, зато што знају српски како матерњи, а само заради тоа што некој се бавел со дијаспора, да го ставиш да биде амбасадор во НАТО? Си играме држава, или си играме дипломатија?

Бранко Црвенковски во НИЕ... 14.02.2010

2010-02-15T15:45:00.001+01:00

Падај сило и неправдо!

2010-02-12T17:09:00.007+01:00

Ма ова е партизанска земја, носталгичари кои живеат во минато! Не знам колку го гледале Аватар, ама филмот Скопје 2014 се врти врз сите сетила. Секој ден нови невладини, институти, се што оиле вреди, што знае повеќе од две цигли и кофа малтер, што завршило факултет и се брои за писмен, од архитекти до булдожеристите, се е за Скопје. Уметност и кич! Опозицијата тврди дека и ова ќе било дивоградба, зошто онака, по ВМРОовски, на јуриш, се промовира и прво се копа па потоа се бара законска рамка. Но мене ми е дилемата: Зошто сега се отвора оваа приказна? Итно треба да го средиме Скопје за Европа; има пари зошто да не; или некому му се брза за уште една поделба на предавници и патриоти, на уметници и дунстери –кичерај!?

Протести за ново Скопје. СДСМ искочи на барикади. Тие велат дека тоа бил спонтан собир на граѓани, на архи бригади, не знам на невладини, а богами и стари скопјани. Ова спонтаност ми личи како онаа пред Уставниот суд за лустрација, или како на оние пред ЕУ, или оние среќните спонтани пред влада кога ја добивме визната либерализација... Кој од кого ја научи спонтаноста, СДСМ од ВМРО или ВМРО од СДСМ??? За жал!

Во Македонија од спонтаноста само, спонтан е абортусот.

Милошовски беше во Албанија непосредно кога албанските власти почнаа со забраната и прогонот на лицата кои на Голобрдо го подучуваа македонскиот, мајчин, јазик. Тирана, дали поради претстојниот попис, или поради реципроцитет кон јазикот на Албанците, забранува изучување дури и самоволно, не на трошок на државата. Министерот Милошовски во тој момент беше во Тирана на средбата со својот колега и претседателот. Замислете, воопшто не кажал ниту збор , ниту забелешка. Тогаш што правел?!? Туристичките дестинации ги расшетувал, или него македонската дијаспора не го интересира? Или, уште поупатно, тоа е негов личен однос? Парадоксално за овој проблем реагира министерот за образование. Тогаш што му е работа на министерот Милошовски, туризам или надворешна политика?

И претседателот Иванов убаво си поминал во Минхен на безбедносната конференција. Тој, бидејќи е за решение за името со разумен компромис, на новинарите им рекол да издржиме! Колку за плата сме имале и не се даваме. Издржуваме ние, вие... Но, или дали знаете претседателе дали сите имаат и земаат плата?

Мендух Тачи конечно излезе на македонски медиум, не ја прати пораката од Тирана, туку од Скопје. Не знам дали дека последниот пат и во Тирана го направија бербат неговите, па затоа сега од среде Скопје повика на војна ако не паднел Груевски?!? Не знам дали некој се исплаши од кажаното, ама знам дека порталот каде што стоеше интервјуто еден ден беше блокиран, го снема. Толку беше со нашата слобода на информирањето. А политичарите пак, наместо одговор и полемика, насочија на обвинителот, но тоа беше само втората сликичка од нашиот капацитативен плурализам. Само Рикер и Фуере, дежурните за пристојноста во политиката, му рекоа да си ја симне реториката, а ако има што да каже, собраниската говорница му е отворена. За тоа го плаќаат и за тоа е избран!

Маневски е цар, праведен до даска, токму како за министер за правда. Тој вели дека анкетата на ОБСЕ, каде што судиите тврдат дека нема демократија и независност, туку само притисоци, не ја признавал. Михајло вели, не била јавно објавена и била само критика и затоа била нерелевантна. Уствари, прво проба да ја скрие, па потоа рече дека била невалидна. И сега не знам зошто тие кои го фалат рејтингот на премиерот се топ, а тие што се критички настроени не чинеле господине министре? Можеби би требало вам да ви веруваме, вие знаете што е правда и неправда, тоа ви е по попис и опис на работното место? Но што ако судиите, кои се всушност работници, тврдат дека не се независни?!? Дали лажат? Ама....па нели и тие треба праведно да судат? Кој лаже, што е правда, а што суд министре?

Пораки преку Дејли телеграф! Објавена е информација за Дејвид Камерун, идниот инвеститор на хотел во центарот на Скопје, дека тоа го добил на сомнителен и нерегуларен начин, лично од премиерот Груевски, за сметка на лобирање за Македонија. Чудни се тоа енглезите, тие бараат сметка и покритие за се. Не им ли текнува дека ова е земјата со вечна транзиција??? Чудно е тоа, ама уште почудно е зошто баш сега Телеграф се сети да објавува вакви аферички и да ги врзува за нашите владини бизнисмени и бизниси, кога хотелот така гордо и ренесансно ќе личи на плоштадот во 2014?!?

Последниот извештај на невладините вели дека жените повеќе и пожестоко пијат од мажите!?! Јас знам дека повеќе гледаат Ѓумуш, Шехерзад, и големиот брат – а мажите лесничко, со пивце си гледаат фудбал. Тоа ти е транзиција, љубав, онака спортски, и никој никого не .... Им фали Онур! Епа ќе пијат бе брат, ќе пијат!

Граѓаните се жалат дека ЕВН ги краде затоа што на броилата не се означува кога е евтина, а кога скапа струја. ЕВН продава а не кажува. А ние граѓаните плаќаме! За ова ниту една партија не дига глас. Не се тие за тоа, тие се за споменици, за Џемо кољачот, за триумфални порти... тие се за големи работи -ова е само народ и парите на народот. Не се нивни пари!

Москва го запре НАТО- репортажа од Украина за ФОРУМ

2010-02-10T20:09:00.007+01:00

За многумина фаворит на изборите е Виктор Јанукович, иако реално сигурен фаворит е само Русија

Украина е пред вториот круг претседателски избори. Овде ама баш никому не му паѓа напамет револуционерно да гласа за портокаловите. Тоа беше прикаска за еднократна употреба. Ќе се раскажува како Американците упаднаа во втората по моќ поранешна советска република Украина, ќе се раскажува, но нема да се повтори. Впрочем, ако зачекорите надвор од Киев или од кој било друг град, сосем неважно дали на исток или запад, само после 15-ина километри од урбаната средина веќе заборавате на светкавите излози и американските реклами и се враќате длабоко во 80-тите години на минатиот век, во типична советска Русија.

Целата репортажа од Украина на авторот и уредник на магазин НИЕ... Драган Антоновски можете да ја прочитата тука...>>>

Јован Манасијевски во НИЕ... 07.02.2010

2010-02-09T22:28:00.001+01:00

Пак си правиме филмчиња

2010-02-06T22:53:00.006+01:00

Пак си праиме филмчиња - Скопје дефинитвно ќе го бидело, процват, барок во 2014- ај едно филмче ве молам за големи плати, нови коли, полни трпези, респектирани инстиуции, независно судство, факултетски образовани млади, писмени луѓе, непартизирана администрација, селектиран отпад, еколошки чиста средина, и по толку сали и топки- Македонија шампион, во што е да е! Ај бе!

Фронт! И опозицијата се обедини. Сега на плоштадот се знае кој што вика: Груевци- сакаме на бања; Угриновци со петокрака и црвена марама- викаат нема да се бањаме… не скакаме на бања; Гегај протестира- не сака бесплатно во петок во автобус; Бојо по европски- знаењето е моќ, дојдете на Европски. ФРОНТот на Црвенковски “Падај сило и неправдо”, а пустиот и тој сам си се киселеше на сликата. Само Tито е радосен што најде начин како да се врати, Угрин оро козарачко вие, а и Бучко ракоплескаше, a не дека сака, туку дека мора. Ете, тоа ти е државникот ДЕНЕС.

Дефинитивно се краде и се збираат пари како за пред избори. Половина милион евра само во јануари. Во гостиварско 45 лаптопи, исто така украдени. Со тие пари се обезбедува цел центар за анализа и истражување рејтинг на поголема партија, а богами и ќе се работи на цела кампања онака електронски. Нe е важно, истрагата е во тек!

Рикер на челникот на ДИК, и тој Александар, само Новаковски, за Денот на изборите му рекол среќен ден за избори- ама избори оваа година- доста!

Александар Велики- аеродром, Александар Македонски- автопат, и спиење во хотел Александар Палас. Никој вака не ме почестил- му рекол Финскиот министер за надворешни, Александар Стуб на нашиот Милошовски, а богами и на Иванов. Принципелно, вие ја имате подршката, ама практично решете си го името, ни рече Александар Стуб.

Големиот газда ЗЕГИН се изнасмеа на судбината на професијата аптекари. Тоа се луѓе кои со години работеле за луѓе, љубезни кога со болка сме барале спас, подавале рака, издвојувале од својата плата за градење на гигантот Градски аптеки. И сега, газда ЗЕГИН најсељачки им се изнасмеа во фаца, тој демек господин, а тие сега требале да мерат улици, ќе биле геометри. Тоа го вели пред камера?!? Е тоа е примитивизмот на македонските новопечени газди.

За еден друг примитивизам и провинцијализам- не знам што е ова тужикање по новинари, макар и на фејсбук. Има една разлика, новинарите критикуваат, но не владеат, не се ниту министри ниту претседатели. Без параноја, одговорноста е во политичарите, а ние катадневно само потсетуваме на тоа. Од претседател до задња шуша, сите се натпреваруваат да плукат врз еснафот и да прогласат кој е предавник, a кој победник. Tоа ли е работа на државните функционери и институциите?

Не знам дали Ангела е растргнатото дете на планината, но се прашувам чија е одговорноста? Се сеќавам колку парада, хеликоптери, механизација, пари, луѓе со месеци трагаа во погрешен правец... Колку ја чинеше државата таа истрага тогаш? Трагање во погрешен правец, тоа е нормална работа, или незнаење? Има ли одговорност за тие што се сликаа и не убедуваа дека успешно пребарале, што лепеа слики по гранични премини, по медиуми? Дали “истрагата е во тек” е знак на моќ или немоќ?

Во новото издание на магазин НИЕ... во недела, 07.02.2010 во 16,30 часот, гостин Јован Манасијевски. Гледајте НИЕ...

Имер Селмани во НИЕ... 31.01.2010

2010-02-03T22:58:00.002+01:00

Писма и пораки

2010-01-30T01:53:00.005+01:00

Амбди Баjрам и премиерот Груевски на пратенички прашања -тој вели дека имале времено вработени 5000 лица и за поддржувачите на Бајрам тоа било одлично. Ама, договорите завршиле. Премиерот реплицира: тие вработувања си ја завршија функцијата, тогаш за тогаш, и толку, нема повеќе. Пратеникот вели јас сум задовилен од одговортот. Замислете, не разбрав што е тоа “тогаш за тогаш” и како може времено вработување да заврши трајна работа - освен ако времето не е предизборно.

Горна Белица, Струшко- удрени темели за нова џамија врз црквата Св. Петка. Никој не дозволил, а и ИВЗ не се буни за тоа. Тоа биле радикални исламски структури. На плоштадот има законска маркица, план, дозвола од општина, црква, влада, ама тука сите се бунтуваат и не се гради. Силеџиство, систем, непослушност, или институции без авторитет?

Српска слава Св. Сава- убаини, Србите во Макeдонија ни го промовираат, по кој знае којпат, криминалецот Зоран Вранишковски како српски егзарх. Што убаво го најавија, а нашите лојалани Срби и парламентарци и нивни званици си одмолчеа. Исто слово и од новиот патријарх Иринеј, тој препорачува да се смириме прво со нивниот Вранишковски, па потоа да бараме решенија. Не е скандал, брука е! Србите дволично продолжуваат како и Грците да и работаат на Македонија зад грб!

Клањање во општина Чаир во Месна заедница, во Топанско поле претворени во молитвени простоии - џамии без минаре. Верски обреди. И за тоа никој никого не прашува! Дали повторно немоќни инститции, или систем аздис?

Црква и бизнис, верба, вера и пари. Е не иде! Нема ништо заедничко! Затоа браќата, новите Миладинови, заработија 6,5 години затвор за финансиските измами околу купопрадажбата на хотелот Изгрев во Струга. Ако се крстеа дека ќе ја измамат црквата, ќе го извалкаат архиепископот и синидот, се излажаа. Сега може само да се крстат во затворот Идризово. Значи, ова не се браќата Миладиновци што копнеат по Струга, таму... кавал да свирам- с’нце да зајдвит... Овие се од денешното време, измамници и криминалци.

Транзициските кодоши ќе се спасат од Законот за лустрација. За нив нема закон – има само пари и власт!

Точак е работава, со името. Некој во прикаскава лаже! Се бара само име, или и целосно бришење на македонското во ФИРОМ. Американците бараат веднаш и сега и стојат зад нас. И велат само име за надвор. И не знам на кого тоа му е малку, нашиве се мрштат. А Зоран Талер стварно е френд, дефинитивно, вели дека работава ни е точак, се вртиме во круг, застанавме ли готови сме. Ќе нема кој да не потурне! А да, точакот нели се движи само надоле, нагоре малку морген!

Jазикот на националистите, на меѓународната заедница, на политичарите, на граѓаните и ветераните. Сите се допишуваат меѓу себе, криејќи се зад немоќта отоврено да кажат дека се е манипулација. ОБСЕ се посрамоти, првин препорача па се предомисли, ДУИ не рече дека не знае, па се премисли дека тоа не било обврзно, единствено, младиот министер тврдоглаво држи до тоа првооделенчињата да почнат да го учат официјалниот Македонски јазик покрај својот мајчин. Се вади старата реторика, Груевски бил како Милошевиќ- наспроти Албанците биле неблагодарни за Косово. Балкан! Се уште ќе се продава само јазикот на неписмените, кои сепак можат да бидат само радикали- додека не победат европските стандадри.

Спасен давеник од водите на Вардар. Девојка паднала кај мостот кај владата, тој се стрчал до Kамениот мост и ја извадил од студените води. Куп народ гледаа, се туфкаа – сеир! Неколку момчиња потоа помогнаа да го извлечат и спсасителот и давеничката. Народот се сам си заврши. И се давеше, и спасуваше, и аплаудираше, оние кои им е работа да спасуваат дојдоа од како се беше завршено. Нормално! Сами Нуредин, момчето од Крушопек, покажа дека моќта е во народот, се останато е парада!

Ќе ги возат пензионерите, секој петок... И нас не возат, без пари, ама ние си ќутиме

2010-01-23T23:15:00.013+01:00

Поради несогласување со политиката на телевизија Сител, магазин НИЕ... е тргнат од програмата. Но тоа нас не не спречува да ги анализираме настаните на неделата...

Македонското знаме на столб на срамот. 7100 евра за патриотизам. Дали тоа не би било поупатно да се дадат парите за социјалци и стечајци, а знамињата без пари да ги закачиме на нашите згради и куќи? Ако тоа нешто му значи на премиерот... ете дека на пример не го даваме името! На маргиналецот Јакимовски не му текнува дека за неговата општина ништо не значи, нити плус, нити минус, чиста нула, исто како и неговата одлука да го забрани поставувањето.

Ме боли грлово, кашлам. Не гледам веќе на вести да кажат да се вакцинираме, колку умреле, а колку тешко дишат. Изгледа пропадна свинската прикаска - ќе да ми е обична настинка.

Биди пензионер! Те бањаат, те плаќаат, сите ти сакаат зошто мора да останеш во форма дур да заокружиш. Груевски секој петок ќе ги вози пензионерите, му нареди на Коцета. И нас не вози секој ден - без пари. Ама ние не се фалиме...

Повторно грабеж, на кладилница, пред тоа на пошта, пред тоа банка. Што се случува, има многу апаши во државава, или итно требаат пари, и тоа многу пари? Избори премиерот рече дека нема да има, зошто ли се собираат толку пари?

Штрајк е штрајк, пара е пара, а кафанџии се кафанџии. Некои заклучија, други си пушеа и си работеа. Штрајк, типично наше пола- пола, штракбрејкери во Македонијава колку сакаш. Е, за тоа е така! Не сум за пушење, ама и не сум за шупци какви што се дел од кафанџиите!

Стари автомобили и до 13 години... хмм... Па нели сме инвестициски рај за Европа, или сме отпад на стари автомобили? Крш за Европа. Што е сега, зарем во Македонија нема иднина и не можеме да си зарботиме за нов автомобил?

Кодоши, новинари, шпиони, клевети и тужби... Страшна работа, новинарите се делат на удбаши и КОС- овци, предавници, а се тоа го цени, потврдува или негира МВР со едно пусулче. МВР?!? А што беше тоа ЗНМ ?

Да работиме на нашето бдиште на балканите, на чист блгарсаки везе нашиот Македонски министер Милошовски, онака официјално. Браво!!! Милошовски си го знае и бугарскиот.

Груевски пак вели стандардно, има сигнали за преговори за името, ама не се надевајте на ништо!? Е како да бидеш оптимист со ваква изјава на премиерот?!? Од друга страна пак, Американскиот амбасадор Рикер и Европретставникот Фуере велат сега е најдобро да се смени само меѓународното име. Е сега кој лаже за идентитетот? Груевски, или Рикер и Фуере, на кого да му верруваме и кој може да гаранрира за тоа што го зборува?

Онака протоколарно, без многу братска љубов, се поздравија нашиот поглавар и новоизбраниот Срски поглавар на црквата, сега патријархот Иринеј. Велат тоа било добра опција. Можеби... Само не знам што таму до новиот патријарх бараше изманикот Јован Вранишковски??? Не знам кој и врз што го гради оптимизмот?!?

Да не зборуваме за него, да пееме, ако може без солзи ! Ако може без солзи! Па роденден му е. 29-ти ... Да, среќен роденден Тоше!

2010-01-21T15:33:00.001+01:00

Што не сопира да ги користиме фондовите на Унијата? Хрватските искуства за тоа што нуди Европа

2010-01-18T21:33:00.005+01:00

Во магазин НИЕ... во недела, 17.01.2010 гости Емануела Хрватин и Тодор Брдарски

Што нуди Европа, како за почеток?

2010-01-14T23:48:00.008+01:00

Датумот за преговорите со Унијата ќе го чека името, но што не сопира да ги користиме фондовите на Унијата? Пример како тоа го прават Хрватите. Колку нашите локални градоначалници знаат за тие пари, или најлесно е да се прават само спортски игралишта? Што нуди Европа, како за почеток?

Магазин НИЕ... во недела, 17.01.2010 на Сител.

А во најавата...

Македонски партии денес: Абдулади Вејсели е избркан од партијата, го шутнал Мендух Тачи, заради тоа што овој бил криминалец и бил закана дури и за општината Тетово. За Вејсели се мисли и дека не го поштуел ДПА. Така, дејствувај демек европски и шибај локално каубојски!

Антикорупционерката доби интерпелација, како новогодишен подарок. Ич не и се погоди функцијата, се нешто и бараат правда. СДСМ пак, се фати за Телеком и Аналитико –АИ, и парите кои си ги поделил дрим-тимот на Груевски. Се тоа со папири. ВМРО им враќа, па не е страшно да се работи за пари, секој си бара ангажмани. А СДСМ фатил 120.000 евра. Пари ли се? Еве Мирјана сега ќе каже кој лаже, таа е државна антикорупционерка, а и државна новинарска Јустиција.

Парламентарците, според ревизијата, за една година поарчиле милиони евра, најмногу за мобилни телефони, интернет и за авионски карти. А богами и вода пиеле, ама не од чешма. За оваа, или за минатата, година велеа дека била рецесивна дека сме биле во криза?

Анкетоман, зависник од камера! Значи, Бранко не може веќе да го поднесе тоа! Дупло од него, побитен да е Грујо, и сега вели дека анкетите биле за манипулирање. Е добро де, па кој ги измисли анкетите? Од ваше или од ова време се г-дине претседник?

Пари, банки и осигурување: оваа недела украдени половина милиони евра од банка, колата префарбана од жолто во црвено, мислиш онака патриотски татковински бои, а парите ги нема. Ма кого фарбаат тие?

Љубен Пауновски оди во затвор. Едни велат дека се замерил со оние кои ги дилаат партиските пари. Тој вели дека имал цврсти докази, ама судот не му ги прифаќа. Секогаш е така! Кога наивен ќе влезе во политика нема патриоти има парии, а тие никогаш не оделе со патриотизмот. Знаел зошто се случи 2001 етнички конфликт, наспроти институциите, знаат и други ама не се фалат дека ќе кажат. Штета, колатерална штета!

ЗНМ ќе ги употребело сите дозволени средства за да се спротивставеле на заканите на новинарите и ограниченоста на слободата на говорот, на колешката Цаневска. Убаво кажано, а кога мислат да го направат тоа? Сите се во исчекување и страв?

Градскиот плоштад ни станува циркус! Не ми е јасно зошто прават дупли работи? Толку знаат, или ги местат? Тодоровиќ прави пируети на сред плоштад, нозе ќе искрши на нешто како мини лизгалиште, а толкаво старо лизгалиште зјае крај Вардар. Има мермер, а ќе ставале коцка. И најновово “т’зи дупка не е дупка“ сега немало ниту црква ниту џамија. Кој се мајтапи со скопјани, сами се местат или други ги лизгаат?

Уставниот суд во Република Македонија е надлежен да ги оценува законите донесени од Собранието на Република Македонија, дали се во согласност со највисокиот правен акт во држава – Уставот. Другото е политика, се е менливо, освен државата, пардон Уставот. Без забегуење!

Две години од хеликоптерската несреќа кај Блаце. Кој е крив? Навистина зошто не им кажат на луѓето кој е крив?

Вевчански карневал- одиме за Европа!

ДЕМОС- фрустрација или замена за СДСМ?

2010-01-07T23:04:00.006+01:00

Честит Божиќ! За многу години... Во послебожиќното издание на магазин НИЕ... во недела, гостин беше проф. д-р. Ѓорѓи Спасов, основач на ДЕМОС, но и на СДСМ. Целосното видео од емисијата можете да го погледнете тука...>>>

А во најавата...

Пари за Нова Година не стигнаа ама за Божиќ ете ги, и за социјалците и за пензионерите. Им легнаа на сметка. Сега и тие можат да си легнат. Еден е Господ, само тој дава. Божиќ е, Божиќ е!

Вакцините сепак испаднаа бизнис, а умрените од вирусот на свињите се само бројка. Важно една докторка доби отказ, затоа што случајно, во кадар новогодишен пациент и влегол. Закон се нашиве. Белким нема да купат уште некоја вакцина, што за свињите, што за ХПВ. Море да може за ТВ!

Груевски во Изрел се сретна со Перез и Нетнањагху. Од таму упати божиќна порака до граѓаните, ама стигна и на утринска богослужба кај Архиепископот, а претрча и кај евангелиситие, во друга црква, и пак се вртаи кај Стефана. Знаете ли каде е сега??? Не е повеќе таму, на друго место е! Се бара шифра 24 /7- 2010!!!

Албанците бараат Албански песни на плоштад за Нова Година да се пееле и бараат извинување. Е, а тие беа и најбројни, и онака чопоративно наоружани со петарди. Чудна работа, јас не забележав дека музиката им беше неразбрлива!?! Што им фали, редот ли???

Тадиќ би бил Нимиц. И Слободан Милошевиќ проба со Мицотакис да ја дели МКД! Не иде тоа браќа Срби!!! Пробајте прво признајте ја нашата црква, па ние ќе ви посредуваме за Косово, еве на пример, па потоа вие со Грција. Се разбира се за добрососедство!

Чекај, а што им пречи на поповите да плаќаат данок??? Заради џиповите ли? Математиката е проста: еден милион Македонци да купат по 3 свеки и да остават 20 денари на икона, е некаде 60 ден. Тоа е едно евро! Значи 1 милион Македонци на еден празник, како овој сега, оставаат еден милион евра, а вие би да не плаќате данок? Чкејте, дали така треба дедо попе?

Пушиме и гајле си немаме, само по дома де. Ајде малку да се видиме и во кафаните со пуна плуќа. Пред Уставен јок... ај на кафански муабет!!!

Секој во своја црква, премиерот во главната, големиот БЦ во маалската. Тоа ти е со нашиве. Више ни господ не ги спојува!!!

Во оваа година треба да се чекори исправено, гордо, стамено- Среќна Нова година

2010-01-03T22:02:00.009+01:00

Среќна Нова година, многу здравје, навистина многу здравје, а за среќата ќе треба сами да одработиме и да ја најдеме. Бидете весели и смели, пред се смели, затоа што треба во оваа година да се чекори исправено, гордо, стамено, а за тоа е потребна и смелост и упорност.

Тимот на магазинот НИЕ... и натаму останува на определбата: зборуваме за фактите, а не за нарачките на политичките елити. Во име на демократијата ќе зборуваме за сегашноста, за тоа што прават политичарите денеска, а не што би било кога би било, што би правеле, ќе зборуваме за реалноста, а не за ветувањата.

Впрочем, во име на демократизација на државата вложиме 15 години, последниве 8 години под наслов демократија во транзиција, што беше провокација на стартот на магазинот НИЕ..., и години пред тоа во емисијата Време на партии, на А1 ТВ.

Во недела 03.01.2010 година, гостин беше еден од првите гости во магазинот НИЕ..., беше во првата емисија на НИЕ... тогаш како политички критичар, аналитичар, а сега е во можност да ја креира политиката, претседателот Ѓорге Иванов. Целосното видео од емисијата можете да го погледнете тука...>>>

Традиционални VS Нови медиуми: предности и разлики

2009-12-29T00:55:00.005+01:00

Во магазин НИЕ... во недела, 27.12.2009 година се водеше дискусија на тема Интернет, (зло)употреби, традиционални и нови медиуми...

Гости: Дарко Булдиоски и Славица Биљарска Мирчески

Целосното видео од емисијата можете да го погледнете тука...>>>

Епизодисти

2009-12-25T19:56:00.003+01:00

Христос се роди, славете го!

Мавровски работници: Хисен Џемаили е обвинет за овој Хашки случај, се криеше со месеци додека не му гарантираше власта дека нема судиите да го судат, МВР да го апсат. Сега, по потерница, го фатиле Шкодран Идризи, само борец на ОНА. И ќе го екстрадираат- нему ќе му судат, тој не е пратеник!

Ѓорге Иванов: Тој вели може и предавници и патриоти, се е демократија, може и потерници по медиуми, се може! Tребало да се научиме на плурализам, и вели, ете јас имав рејтинг кога ме бираа, сега не ми треба, тоа е за лидери. Чуму токлу искреност претседателе? Но, што е точно? Не сте лидер за рејтинг, или сега сфатија граѓаните кого избраа?

Демос: Tоа луѓето се чудна прикаска, само контра да е, сеир, тенгере тенк, сите незадоволници од Црвенковски си пркосат едни на други. Не ги сфаќам лидерите Манасијевски и Селмани, имаат партија, а членуваат во Демос! Па за што им е партија, тогаш? Керим не сака, вели гост сум, а тие веќе го прогласуваат за лидер, демек сите се уплашивме. Рикер?!? Па што, па тој бара таму? И се некако, сакам кажам, не знам речам! Ако сте партија бујрум, ако сте тинк тенк ајде! Или се е само друштво за дефрустрација, филмчиња, друштво на мртвите поети?

Конгресот на ДУИ: Ништо ново! Како и во сите други партии во Македонија, нема демократија, само камшик, плурализам со еден кандидат и претурање од една функција на друга, мешање карти на ист шпил - тоа тие е!

Мазнева и браќа и сестри југовиќи: На кој му текна да го споредува и споделува србизмот или албанизмот во ВМРО? Пак само жени, или некои нови ВМРОовци.

Не сме први, ама сме второ место во Европа - па да во пушење. Тоа е политика, успешна политика! Пушиме, гајле си немаме, 5,5 кг по човек, годишно 11 тони. Јас сум против, Бучко, Оровчанец и не знам уште кои, биле за пушенје. Тие се преку парламент, јас сум преку законот. Ќе видиме кој ќе победи во новата 2010!

Топилница повторно да се рестартира: Се ќе било по пропис, велат газдидте. Како да им веруваме? Исто како што OKTA не ги труе Mиладиновчани, или како со Свидмилк, не платија и заминаа, или...?

Кој остане- тој е! Ти си Македонија!

2009-12-20T02:54:00.006+01:00

Македонија без визи! Браво за сите нас што дочекавме, а и за тие кои им беше конкретна задача: Радмила Шеќеринска, Габриела Коневска, Ивица Боцевски, Васко Наумовски.

Односи ВМРО и ДУИ- Новите избори ќе ги предизвика Ахмети. Тоа ќе му биде најголемиот успех, задача и обврска од и со ВМРО ДПМНЕ.... и така, пак ќе живеат заедно, уште еден мандат.

Јорго Ќука, транзицискиот бизнисмен кој го владееше ОХИС заврши конечно во Идризово. Освен неговиот адвокат, кој вели нема правда, сите вработени во ОХИС задоволни, конечно велат имало правда. Во ист пакет и Љубе Tрпевски отиде на дослужување … затвор.

Снаи и свекрви, јатрви во парламрент, пајдаруши во штикли, па тоa симболики, куршуми. Малку ни се демоде, со калашникови наместо Мата Xари стил. Пa дајте малку и подвезици, диколтеа, демек отровни стрели... па нешто љубав Шеxерзад- Ѓумуш, па да видиш гледаност на парламент. А вие по селски, како на чешма, или на улица... да се чудиш жениве во парламентот како си се удомија!

Бранко ќе прави опозиционен фронт и влада во сенка. Го запнале, го прашуваат кога, па кога, а тој, како со кубурата, кога ќе дошло време! Демек сега Грујо добро ја тера, нема потреба од влада во сенка. Е не е исто да се курчиш и да кажеш дека салата е најубава кога е пуна со жени, Универзална нели, и не е лесно да бидеш голем лидер, ама на малечка партија. Среќа во несреќа е што до април завршуваат маките на БЦ, па потоа како што е ред по секои изгубени избори, спас за него ќе е да си ја троши пензиичката претседателска.

По Груевски, и Иванов и Папандреу почнaа да разговараат. Што повеќе се разговара директно со Грциве, се поголеми Македонци стануваат Хелениве. Секој Грк се раѓа и умира како Македонец! A-ха, значи живее само како Грк! Како да го сватам овој Друцас, роден во Никозија, учел во Австрија, или пак Папандреу? Mајка му Американка, баба му Пољакиња. Па кој овде има проблем со идентитет- тие или ние....!?

Берлускони го пуканаа неговите право во муцка... скрешени заби, нос, вилица... Висок рејтинг во свој роден крај, во свои сопартијци. Уште еднаш се покажа дека не можеш да бидеш врач само во сопственото село, па ни Берлускони во Милано. Кога тогаш ќе те пукнат твоите, право по муцка.

НИЕ... во недела... во 16,20 часот

2009-12-12T20:28:00.003+01:00

Кој ја урива независноста на централната банка?

Чиј е ќарот и загубата од лажните најави за девалвација на денарот?

Кои се банкарските тајни кои со себе ги носат поранешните банкарски експерти на НБРМ, сега приватни банкари?

Гувернерот Петар Гошев, ексклузивно, по 6 години отсуство од ТВ екраните, беше гостин во магазинот НИЕ, во недела 13.12.2009 година, во 16.20 часот. Целосното видео од емсијата можете да го погледнете тука...>>>

Пусто турско!

2009-12-12T18:38:00.003+01:00

Пусто турско! Ги чекавме пет века Турците за држава, а сега 18 Грците за името. Ќе ги чекаме да го потрошат моралниот кредит, ќе ги фатиме и нив на кондиција. Не знаат тие колку ние можеме да молчиме и трпиме.

Името, ЕУ, НАТО- дефинитивно станува шпанска серија. Советот на министри и го довери тоа на Шпанија, и со право. Тие со години знаат да прават шпански серии, лимонади каде има и плачење, и емоции, и дразнење, и се е познато, кој е во право, кој е натрапник, кого го сакаат, а кого не, ама пак опстојува и се продава. Значи до влез во ЕУ не очекуваат многу подметачини, многу солзи, трагедии, се е исто, натсинхорнизирано, сите не сакаат таму, ама ако може бегалка. Европска љубов, перверзни швалерации, или шпанска сапуница. За каде сме тргнале?

Дипломатски извори велат Бојко Борисов и Бугарија гласаа против Македонија. Груевски, по тоа, вели Борисов ми рече дека гласал така како што ми вети. Борисов, по тоа, вели ние не сме против Македонија, гласав како што се договоривме со Груевски. И сега, ако дипломатите не лажат, испаѓа дека Груевски е против Македонија затоа што и двајцата, и Груевски и Борисов велат дека се договориле како Бугарија да гласа. Кој лаже, не мислев тој и краде - туку, кој лаже?

Уште една тема врзана за 7-ми декември, само радосна вест. Додека го чекавме извештајот од Брисел за влез во Европа, како потврда колку сме подготвени, по европски, само една работа помина тој ден. Само социјалците добија СОС картички за да си купат лепче, зејтин, шеќер во социјалните продавници -едноставно социјално слипче за статус. Барем некој доби тој ден! Европа не скокна, рече не сме биле добри, а ние со картички делиме брашно и зејтин. Да не не е тоа европски?

Студентски протести пред инфоцентарот на Унијата во Скопје. Се пењавиме со денови, де Петров, де карваните на Страшо, демек се спонтано, ама не иде. Не можеш два автобуса да наполниш за Македонија, а демек името не го даваме. Чудно! И на крај тоа студентите од по 5-60 години ги збркаа медиумите, камерите да не ги снимаат, демек лажат дека биле студентските протести и ги организирале ВМРО ДПМНЕ. Не знам зошто никој не верува веќе во МКД на спонтани собири? Велат одамна во Македонија единствено спонтан може да биде абортусот и толку. Ама, за нашиот народ каков што е, подобро е концертот на Здравко Чолиќ да го насловиме името не го даваме, ама без визи ќе патуваме, па тогаш да ги пуштиме камерите да снимаат за да не се брукаме. Да, во име на Македонија се разбира.

Затоа што Црвенковски како опозиција се загуби во себе си, сега Претседателот Иванов заигра онака тврдо опозиционерски . Тој е против ЕУ и одлуката од Брисел. Провикна: За човековите права на Македонецот во европскиот свет! Експертите крикнаа: Европа - тоа е фашизам! Ех, ќе биде ли Иванов тој лошиот, а Груевски тој добриот како и секогаш? Кој ќе ги фака на кондиција Грците и меѓународната заедница? Така е, три во едно, и опозиција и власт и народ- ти си Македонија!

Бројот на умрените од свинскиот грип постојано расте, ја надмина десетката. Бројот на заразените велат расте, лекарите контра, без паника нормално е, новинарите секој ден отвораат вести со стравот. Лекарите не сакаат да се вакцинираат, новинарите оваа недела ги вакцинираа. Белким ќе спласне сега стравот!

Грујо ги забања пензионерите, децата добија безвизен, жените ја имаат Ѓумуш, мажите- премиер лига, а сите копнежи како за 1001 ноќ

2009-12-05T01:09:00.010+01:00

[www.tabrizensemble.com]

Во оваа недела, средбата во Брисел на премиерот Груевски со претседателот Баросо беше клучен политички настан, без муабет тет а тет, се видоа домаќински, пред сите, си поразговаараа, никој не е изненаден. Тој му рече името да си го смените засекогаш, нашиот му врати работиме се да направиме ама вие не не блокирајте, се поздравија и летнавме од Брисел. Формулацијата утре веројатно ќе биде: да добри сте, ве гледаме, постојте пред вратава или чекорете сега малку на југ, север - југ таму е Македонија. А, да, и Антонио го виде Папандреу - се слика!

Ѓоле Иванов го испрати Месиќ на последната претседателска посета, и толку. Пак го снема. Нема разумно објаснување, ама сега има грб. Не мислев на Груевски кој зборува во негово име, туку грб амблем. Си се спрема човекот на тенане, де кабинет, де анекс вила, сега и грб, пред да почне со претседателствувањето.

Дајте ги назад визите. И таман сите ни честитаа за визната либерализација , ние се радувавме два дена и ни пројде. Требало нови пасоши и лични карти. И сега маката е дека закажуваат термини за изработка за јануари 2011. Кој ќе чека толку? Веднаш се прават математики за екстра брзо вадење пасош треба 100 евра, за виза 35, за групна помалку. Дајте виза, шенгенот и не бил толку лош!

Стразбур си е Стразбур, Европа си е Европа, аргументите се оружје на маргиналците и слабите,тие се повикуваат на закони, а моќта е принцип на силните. Сила на аргументи или аргуимент на сила, така свршува македонштината на ОМО Илинден Пирин. Законите не важат за европејците, сега и Бугарија е Европа, а ние ќе си бараме правди по судовите.

Мендух, преку Тирански медиуми со закани дека ако не ги прифателе неговите барања за федерализација ќе немало ниту македонска држава, ниту нација. Па вели, ако се тргнела историската прашина, ќе се видело дека сме се декларирале за Срби и Бугари... и треба да си го смениме и името и идентитетот. А неговата поптпретседателка пак, Мируше, вели нека им е лесна земја на војниците на ОНА, ама тие се бореле само за да дојде на власт Ахмети, а не за правата на Албанците, бидејќи суштината на војните била цел, а не власт. А да се договорат што сакаат, Тачи за права ли ќе се бори, а што сака ДПА и во што е разликата со ДУИ? Е мој Тачи, радикализмот е веќе видено и поминато, и не се продава. Особено не одкако сите пратеници избегаа од Тачи и ДПА, а му остана само Џафери на кој му е малку доцна да менува партија.

Груевски ги забања пезионерите. Ќе се развивал така бањскиот туризам, не било предизборно, туку ќе им се направело навика. Абе, каква навика? Па нели тоа е за најсиромашните со најниски пензии? Тие за автобус до бања дали ќе имаат, а камо ли навика? Како и да е тие се забањати, децата добија безвизен, жените ја имаат Ѓумуш, мажите- премиер лига, а сите копнежи како за 1001 ноќ. Македонија- вечна!

Братоубиствени по македонски! Кој е следниот предавник, а кој херој? Дали движиме кон конфликт?

2009-11-28T02:01:00.001+01:00

За Европа- Папуљас и Грција се однесуваат како дефинитивно тие да се НАТО и ЕУ. 95 насто од граѓаните на Македонија се за, се откажуваат од многу што, реформи, транзиции, приватизации, не е за потценување, а нашата Европа се сведува на Грција Мицотакис, Папуљас, Бакојани, Папандреу. Грчкиот претседател арогантно вели не ви следува Македонија, еден Грчки премиер ни стави ембарго, друг ни го смени уставот, знамето, трет ни вели менувај и јазик и идентитет - има ли крај?- Грција ли е Европа, или ние не сме вистински Македонци? Бараме сојуз со Грција, или влез за Европа и НАТО?

За Македонската братоубиствена војна - Кој е следениот предавник? Може да биде било кој, само треба показ со прст. Ти си предавник, ти си Македонија и толку. Потоа оркестрација, една реченица извадена од контекс, намонитрана слика, медиуми, и потоа познатото- секоја лага изречена повеќе пати станува вистина. Господа, тоа не е демократија! Страотен ризик е за сите, ако сами вие прогласувате кој е херој или предавник, тоа се, без мерка, ја стартува анархијата и беззаконието. И, баш се и не се купува со пари, или со многу пари, и истроијата не ја пишуваат секогаш само победниците!

За полицијата- Таа гази и тепа како на филм, си мисли има пендрек, пиштол и тој е државата, тој е и судија и закон и може да тепа. Претепале граѓанин зошто им рекол да се тргнат од патот. Срамота. И ако МВР и нивниот полициски синдикат сакаат да покажат дека на таквите не им е место во полицијата, тоа треба гласно да го кажат, наместо бистрење политика, тоа е став и тоа е ред и поредок.

За животот- Извршители на врата бараат од жена со деца да го напушти станот затоа што бил препишан на друг, продаден. Таа го отвора прозорецот и се обидува да скокне од прозорец во име на обесправеноста. Пожарникарите отвораат балон за спасување и ја убедуваат да се предомисли. Ова не е филм, или тизер на неокоја нова серија, ова е исечок од реалноста во минатиот понеделник во Скопје

За правдата- Карл Билд дојде во Скопје, да ја избилда Европската позиција, да му каже на Груевски и Македонија што мора ако се сака во ЕУ. Оли Рен и Солана есклузивно уште еднаш, преку колумна, на денот на разговорите упатија порака дека сега му е мајката за менување на името, за големи државнички одлуки. Велат, менување на името! Велат и, водењето спор во меѓународните законски тела не е традиција меѓу европските партнери. Аха, ако судовите се правда, значи зошто се плашите од пресуда, ако е се праведно. Папандреу ги повторува ставоите во Пили, во Грчка Преспа, имале црвена линија- а што ние имаме од се ова?

За здравјето- Министерот Османи рече дека вакцините се проверени и здрави за употреба, имаше парадно боцкање на промоторите на вакцините. Рече и дека сите во Македонија изигравале лекари и ја одбиваат вакцината. Не знам дали тука мисли и на сопствениот лекарски персонал, кој одбива да се вакцинира? Сега ќе набавел други побезбедни! И сега кој овде ја зборува вистнината? Што е, кои вакцини се безбедни?

Груевски го купи CNN, а Црвенковски крка ќебапи у Баш чаршија и смишља стратегија

2009-11-21T12:10:00.012+01:00

Во новото издание на магазин НИЕ... на тема: Нови или стари комуњари?! гостин Гордан Георгиев, потпретседател на СДСМ. Видеото од емисијата можете да го погледнете тука...>>>

А во најавата...

Кој како сака нека коментира, реваншизам или пресметка, ама апсењата вршат работа. Како и сега, струмички градоначалник, судии и цела тајфа. Белким, ќе сфатат сите маргиналци кои сега по партиска книшка стануваат функционери, прв човек на градот не е апашаана. Kради, дели, вработувај и никој ништо не ти може. Сепак добра поука се лисиците, особено и по завршувањето на мандатите.

Биди педер не Македонец, ЕУ амбасадорите застанаа во ред. А зошто не излегуваат дипломатите секогаш заедно со нас? Еве сега на протести за името, за одбрана. Петров и не е некоја марка за поддршка, ама идејата целта е дефинитивно стамена, или тие повеќе држат до тоа биди педер не мора Македонец.

Грујо во Бугарија- сам дома, во Лондон кратко, Грујо во Даблин таму со новинарите и своите, Грујо на CNN, на интервју! И сеа Бранко, онака комотно, од Баш чаршија и сараевски ќебапи и сигурно си мисли: не е ваљда со рекламите што ги пуштија, Македонија вечна? Па си помисли: сигурно го купиле вмровциве и CNN. Да, да и CNN сосе МКД медиуми се криви, што е сардисан и што не знае да претне од опозиција.

Ѓорѓе Иванов, Претседателот, направи скандал, додуша не баш, ама дипломатски инцидент. Да. Умниот Тадиќ ја испегла работата, немојте Бранко дајте чаше у вис наздравимо за пријатељство... па промакло се .... А, всушност Белград ни оддржа повторно лекција како се води политика. Еве ви мило за драго, вие Косово, ние Грција, вие граница, ние името ваше, и како шлаг министерот со Грците, претседателот со нашиот на тешење. Сите задоволни и се кажано- тоа е и дипломатија и политика, и свој интерес. Гледајте и учете, мои дипломати, кабинетски шефови и ПР стратези.

Нешто како филм, и политика и реалност. Име си е име, документарецот на кој му беше спречена промоцијата од Грците во демократска Америка нели. Ај да приземјиме, и не знам шо се кострешиме!? Па Грција си е Грција, Исланд ..., филмот за македонските вистини е само нечиј филм, а реалноста е реалност. Сурова реалност.

Боледување и грип. Оди провери дали е свински однос, или свински грип. Овој народ е жив ѓавол, од се прави ќар. Исто како што се израдуваа некои дека и Македонија има смртни случаи, еве не е лага. Ете ја повторно паниката и се враќа темата- Каде ни се... дајте брзо вакцини!

Зоран Ставревски, вицепремиерот на Груевски сега и министер, вторпат со иста информација дека го решил клириншкиот долг со Русија и дека Македонија ќе се гасифицирала. А бе Зоки... па нели Македонија се гасифицира уште кога гасот му го зедоа на Макпетрол? Тоа беше нели лани или ломлани? Истата информација. Да, истиот тој Ставревски, да со истата Русија. Ова е дежа-ву, или, кога беше лагата, тогаш или сега? Да не те местат г-дине министер, или сам се местиш?

Писмо за мобилизација на членството на ВМРО ДПМНЕ. Повик за линч, за пребројување или постројување. Фатете го непријателот, името му е транзициски! Удрете браќа по браќата, би дошло. И сега сумирам: На едни пред тоа што се бават со ЕУ политика, на дописничките, им порачаа да си ги рентаат пи...те; на насловни се издаваат потерници; се посочува непријателот на мегафоните на ТВ; пред некој ден, eдно дете што се плетка во новинарството го удриле со шипка во глава, 5 конци; ден потоа на екипа на Сител во Струга им ја дрпнале камерата и ги нападнале. Се извинувам, за која мобилизација зборува премиерот и лидерот на власта? Панцирот ќе го извадиме, ама кој е непријателот, а кои се нашите? Има ли бетер од ова?

Нешто локално... Рашче се загадува! Во изворот од кој вода пијат 1/ 3 од граѓаните на државата, гргаат фекалии, а градоначалниците тераат бизниси. Не знам дали е законски, но, тука треба да се апси. Тоа е труење на градот. А градоначалникот на Сарај си тера бизниси, тој се бави со тоа како превозот на учениците да го префрли локално, наместо со ЈСП, а првиот на градот ја порибува Матка и се слика со премиерот до канти за ѓубре, нели за почиста средина. Подобро две игралишта помалку господа, наместо тоа напрајте ја канализацијата во село Рашче. Подобро е, граѓански е, и пак ќе се сликате! Има прича, ќе ве покријат медиумите, и ќе ве памтат граѓаните.

Дали грипот е вистински грип или паника? Од што да се плашиме, од грипот или од пропагандата?

2009-11-14T02:40:00.004+01:00

Визната либерализација се поблиску. По Берлинскиот ѕид за Европа, тука сме... ќе падне и нашиот санитарен Европски ѕид за нас Балканците - да Шенгенскиот! Тоа е нов сигнал, уште една поддршка на големите, за нас малите. Ќе го разбереме ли како што треба, или пак спонтано ќе драмиме ВИЗИ ДА, ИМЕ НЕ! Боље рат него пакт!

Серискиот убиец е зад решетки. Веднаш наслови: Раскољников од Ѓорче;касап; секири…. Никој не се прашува како тоа првенец, добар ученик, станал наркоман и убиец. Кој го направи убиец? Неговата мајка сака да и погледнат во очи. Кој ги донесе на работ на егзистенција, на амбисот. Зошто ја нема таа дебата?

Се поблиску сме до датумот, и се подалеку од Европа, ако судиме по искуството формирај комисија и дај и работа, или систем демек решаваме за да не решиме. Така некако изгледаат и сега Демос и старо-новиот дипломатски совет или кворум, и толку... И така по 7ми ќе си дојде 8ми декември и натаму со ред. Решение се наоѓа, но прашањето е јасно: Дали ние сакаме или не во Европа !?

МПЦ- Охридска архиепископија - црквата си се прекрсти, знаат владиците ова е време да се крстиш и со лева и со десна. Се ова треба да се издржи. Има право архиепископот, време е да покажеме со прст на сите кои посегаат по нашите. Демек наши, а ни стојат зад грб. Да се преброиме колку, толку, токму... да се пребориме.

Името не го даваме, а ќе преговараме. Треба да се најде решение и толку - никој не истрчува. Не знам дали Груевски знае или не знае, ама неговиот коалиционер Павле Трајанов понуди решение без него. Вели фазно решение за проблемот со името. Првпат нешто конкретно доставено и до Папандреу, до Солана, до САД, и до опозицијата и власта. И сега не знам дали ДС и Павле Трајанов се во власта или веќе вон власта. Дали и тој како и Претседателот Иванов, ќе рече нема референдум па ќе се предомисли другарот. Да не испадне и тој да мора да го повлече предлогот.

Тренковски, екс директорот на Фондот, се сеќавате го апсеја минатата недела, а сега веќе е на слобода. Демек можело, ќе се брани од слобода. Сега е јасно зошто никој од обвинителите не сака да работи на организираниот криминал. Изгледа таму сите се поорганизирани, нема борба само слики и лисици- знаат обвинителите.

Бранко Црвенковски и Алија Ахмети се сретнаа. Повторно сега е само прашањето – КОГА? .. Каде е конфликтот ?

Вакцините и грипот. Заразени од надвор и од по дома. Ставајте, па симнувајте маски - имаме грип епидемија или само паника од грип?

Целосното видео од магазин НИЕ... со Драган Антоновски, кој се емитуваше во недела 15.11.2009 на Сител 1, во 14 часот, може да го погледнете тука...>>>

Подготвен ли е Парламентот за клучната дебата за менување на името?

2009-11-07T13:59:00.004+01:00

Целосното видео од магазин НИЕ... од недела, 08.11.2009 година можете да го погледнете тука...>>>

На тема За кого одработуваат пратениците, чии интереси застапуваат, на партиите или на граѓаните? дебатираат Силвана Бонева (ВМРО ДПМНЕ), Сафет Незири (ДУИ) и Марјанчо Николов (СДСМ).

А во најавата...

МАНУ ти стана се освен академија. Нема зборување со факти, туку како во актуелната политика со триста вистини. Те ќе ја забрануваат енциклопедијата, те ќе ја ставаат во бункер, па ќе ја ревидираат, па ќе ја менуваат делумно или ќе има ново издание. И на крај, Баже лаже ама лаже и Старделов, не знаеш кога се оградува од редакторот, не знаеш кога се гордее со него. Тоа тие е академско убедување во МАНУ.

За актуелните вакцини: се повеќе кружат мејлови дека вакцините се непроверени, дека онаа за HPV штити од две, а ги има 32 можни опции да заболите, дека онаа од свински е иста со таа од обичниот грип. И велат дека најдобра заштита ви се редовни контроли и хигиена, сапун, а не вакцинирања. И сега дилема: Кои се приоритетите на нашите здравствени работници, добро здравје или добар бизнис?

Следново нема никаква врска со претходното, секоја сличност е случајна, но, го уапсија екс директорот Тренковски и екс директорката на аптеки. Парите кои фалат се половна милион евра. Сите досегашни директори на Фондот за здравство завршија зад решетки, кој помалку кој повеќе, сите поминаа процедура со кривични пријави за големи пари, а некои и се одбранија. Повторно истото прашање: Колку пари се вртат во здравството и што бизнис е здравството со толку кривични пријави и притвори?

Претседатели и пријателства. Претседателот ни е оптимист, го покани грчкиот претседател на гости во Македонија. Демек не било се така црно, имало простор за пријателства и доборососедство. Одговорот беше експресен- Македонија има територијални претензии и додека не сфатат дека Македонија е мултиетничка, а не македонска држава, муабет нема. Никако да ја погоди претседателот избран и од народот и од ВМРО. А некако нејасно останува пак какво пријателство имаат неизбраниот претседател, конкурент на Ѓорѓија, Фрчко и ново ангажираниот политичар Костовски со истиот грчки соговорник.

Ме бендиса оптимизмот на шефот на македонската дипломатија Милошоски, вели, за името се разгледуваат опции и, индиректно, има позитивен одиум да се најде решение, што преку Нимиц и ОН, што преку ЕУ или директни преговори. Ме бендиса оптимизмот дека за името се разговара, ама за јазикот нема шанси, ние веќе сме биле познати во светот со етаблиран јазик и тука немало попуштање. И што тоа значи? Сизифовски тешко господине Милошоски? Па и името нели не го дававме и двојни формули продававме, и не се даваме, па отиде на барабан. Совет: Запишете си ја изјавата, или потсетете се што се тврдевме во овие преговарачки години за името, што се не дававме и што се отиде курбан.

И пратениците ни се оптимисти. Знаат ли што треба да зборуваат во Парламент и зошто се таму? Еден од нив си го дал телефонот на секретарката, па и дење и ноќе таа како папагал ви вели пратеникот е зафатен, ај дење ама што ноќе, не знам. А вториов доаѓа ама слуша, говор нема.

Во бугарија на големо потреси. Се пишува за активности на бугарските ДБК служби. Интересно е, Бугарските разузнавачи во Софија ја скенирале македонската амбасада и викаат дека не била активна со промакедските групи во Софија. И веројатно точно е. Кој е таму амбасадор наш, колку таму одработува екс министерката Доста Димовска? Па се вели, нивната државна безбедност, нивното ВМРО БНД максимално го контролира бугарското државјанство во Македонија. Па ги наведуваат имињата на нивните агенти во Скопје, славеј, посредник и бегалец, а кажува дека и државната безбедност се занимавала и со криминалите и корупцијата на владиниот кабинет. Заради што се симнати имунитетите на екс премиерот Станишев и други? И сите тие работат на големо и во Софија и Скопје - а што работи нашата, ми се чини се вика, Дирекција за државна безбедност и контраразузнавање? Кого таа следи и разузнава и кому удира контра?

НИЕ...

Ајде да работиме !

Раздружувањето од СФРЈ или МАКЕДОНИЈА на почетокот на крајот !

Убиство, протести и пропаганда , кој добива а кој губи ?

Убиство , протести и пропаганда ! Има ли ли Македонија лидери и кој добива а кој губи?

Избори се ближат, дали ДИК ке се надгласува за регуларноста ?

Пред Исус и пред Алах со иста молитва .... ма животот не се само политика и избори !

н.е. Филип Рикер ....јас верувам во граганите на МАкедонија !

Aмериканскиот амбасадор н.е Филип Рикер.... јас верувам во граѓаните на Македонија !

Американскиот амбасадор н.е Филип Рикер гостин во магазин НИЕ.. им верувам на граѓаните на МАКЕДОНИЈА !

Медиуми и МЕГАФОНИ, ..кој прв почна ?

1 МАЈ - СИНДИКАТ или СКАРА ?

За ВЕР(Б)АТА , за монашкиот (не) мир , за милостивиот и праведливиот ИСУС ! сестра Макрина

Зошто агресија ? Што беше образование а што воспитание ?

Цензура на Балканот- а што може новинарскиот СИНДИКАТ ?

A што се тоа ФЕР ИЗБОРИ !?.... а можеме ли?

Јапонија- радијацијата се шири ! АПОКАЛИПСА 2011... а колку ли сме подготвени ?

Канцерогените заболувања атакуваат врз Македонија ! Знаеме ли како ?

Целосно интервју со претседателот на СДСМ, Бранко Црвенковски

Бранко Црвенковски: ќе се вратиме во парламент да го излгасаме договореното со Груевски... САМО ТАКА ИЗБОРИ 2011!

Пратениците не треба да се мразат, тие треба да се почитуваат,ама првин мегу себе !

Зошто верски фанатизам, кога може верски ТУРИЗАМ !!!

КАЛЕ, Интерент, партии, FB!!! А кој е крив???

Али Ахмети “Јас ја сакам оваа држава “

Новинарски погледи: Пратениците- партиски војници или избранци на народот?

За македонската (АНТИ) ДИПЛОМАТИЈА!?

За тутунарските работи

Вевчанскиот карневал- пркос, политика или само традиција?

Македонската лустрација со само еден кодош! Кој е следниот?

Политика и криминал- кој е следниот?

Косово помеѓу демократијата и криминалот

Правична застапеност- праведност или политика?

Кој УПАДНА, кој ПРОПДНА, кој ЛАЖЕ?

кој упадна во А1 ?

НИЕ *упад во А1*

Ма какво ЗНМ?

Криминал + закон = законски криминал

Каков ли ЕУ извештај?

Криви и кривични

Митинзи, бунтови, протести- потврда за моќ или немоќ на партиите?

Има ли надеж?

Митинзи, востанија, протести... Потврда за моќ или за немоќ?

Кои се кодошите? (II дел)

Мирко и Славко

Настани на неделата...

Како се станува кодош!

Започна новата сезона на НИЕ...

Бучковски Димовски во НИЕ...

Археологијата денес

Илми Селами, претседател на ДКСК во НИЕ...

Од каде сме и до каде сме?

За македонското новинарство

Интервју со министерот за образование, Никола Тодоров

Ние ја немаме силата!

Магазин НИЕ... 23.05.2010

За татковината се работи

Македонско претседателство 2010

Интервју со министерот за здравство, Бујар Османи

За македонските работи

За работничките права

Премиерот Никола Груевски во интервју за НИЕ...

Груевски за името... во НИЕ...

НИЕ... на 18.04.2010 со Павле Трајанов и Бранко Азески

Гости во магазин НИЕ... Ашмет Елезовски и Реџеп Али Чупи [11.04.2010]

Бугарски нужник!

Репортажа на магазин НИЕ... од Израел 04.04.2010

Влада за граѓани или граѓани за влада???

Шок до шок

НИЕ... во с. Штавица за да го истражи случајот со семејството Кулески

Пролетно будење!

Амбасадорот на САД, Филип Рикер во магазин НИЕ... 14.03.2010

Интервју со Амбасадорот на САД во Македонија, Филип Рикер [текст]

Чии се (не) владините?

И повторно борба за права

Магазин НИЕ... 28.02.2010 со Слободан Угриновски и Владимир Голубовски

Не ни требаат триумфални порти, оти никој не оди со дигната глава

Вицепремиерот Васко Наумовски во магазин НИЕ... 21.02.2010

Реконструкција = дипломатија. Изслужени министри, добри амбасадори. Дали?

Бранко Црвенковски во НИЕ... 14.02.2010

Падај сило и неправдо!

НИЕ упад во А1